Málstofa um höfundarverk Snorra Sturlusonar og viðtökur verka hans (Snorri Sturluson‘s Authorship and Afterlife) verður haldin í hátíðarsal Snorrastofu í Reykholti annan dag hvítasunnu – mánudaginn 16. maí 2016 kl. 10-17.  Málstofan er öllum opin. Dagskráin er svohljóðandi:

Kl. 10.00.  Guðrún Nordal. „Author or authors? The enticing problem of medieval authorship.“
Kl. 10.30. Óskar Guðmundsson. „Höfundur – verk – vangaveltur um víxlverkun  - æðri eða umfram merkingu Snorra verka.“

Kl. 11.00  Kaffihlé

Kl. 11.15. Brynja Þorgeirsdóttir.„Sorrowful heroes: Melancholy in the times of Snorri Sturluson.“
Kl. 11.45 Torfi Tulinius.  „Tumi's feast. Saga-writing and the wedding-celebration at Reykholt in 1241.“ 
                                                                                                                                     
Kl. 12.15 Hádegishlé

Kl. 13.30 Jón Karl Helgason. „Endurritarinn Snorri Sturluson.“
Kl. 14.00 Tim William Machan. „Snorri Sturluson and the Fashioning of an English Nation.“ 
                                                          
Kl. 14.30 Kaffihlé

Kl. 14.45 Bergur Þorgeirsson. „Saknaðarkveðja frá fósturjörðinni: Snorri og Norðmenn í Ameríku.“
Kl. 15.15 Simon Halink. „Mímir and his Well: Modern Images of Snorri Sturluson and Reykholt.“

Á heimasíðu Snorrastofu (http://www.snorrastofa.is/hofundarverk-snorra-sturlusonar-og-vidtokur-snorris-authorship-and-afterlife/) er og að finna frekari upplýsingar um málstofuna og stuttar lýsingar á fyrirlestrunum. 

Snorrastofa og Stofnun Árna Magnússonar íslenskum fræðum.

Fimmtudaginn 12. maí fer fram doktorsvörn við íslensku- og menningardeild Háskóla Íslands. Þá ver Soffía Auður Birgisdóttir ritgerð sína Ég skapa – þess vegna er ég. Sjálfsmyndir, sköpun og fagurfræði í skrifum Þórbergs Þórðarsonar.

Andmælendur eru dr. Bergljót Soffía Kristjánsdóttir, prófessor við Háskóla Íslands og dr. Jurg Glauser, prófessor við Háskólann í Zurich. Dr. Gunnþórunn Guðmundsdóttir, varaforseti íslensku- og menningardeildar stjórnar athöfninni sem fer fram í Hátíðasal Háskóla Íslands í Aðalbyggingu og hefst kl. 13:00. Sent verður beint út frá vörninni í fyrirlestrasal Nýheima, á Höfn í Hornafirði.

Um efni ritgerðarinnar

Þórbergur Þórðarson var einn helsti rithöfundur á Íslandi á tuttugustu öld og skrif hans spanna víðfemt svið bókmennta. Í ritgerð sinni nálgast Soffía Auður skrif Þórbergs frá ólíkum hliðum en áhersla hennar beinist að þeim ritverkum hans sem flestir nú á dögum telja til fagurbókmennta þó sú hafi ekki endilega verið raunin þegar þau komu fyrst fyrir augu lesanda. Sérstaklega kannar hún þau mörk sjálfsævisögu og skáldskapar sem Þórbergur lék sér iðulega á. Kannað er hvernig Þórbergur færir eigin reynslu í búning skáldskapar, sem einnig má kalla fagurfræði höfundarins.

   Rannsóknartilgáta ritgerðarinnar er sú að með skrifum sínum hafi Þórbergur kynnt til sögunnar nýja tegund bókmennta á Íslandi, bókmenntagrein sem sterk rök eru fyrir að kenna við skáldævisögu, og hafi þannig haft mikil áhrif á íslenskar bókmenntir, ekki síst frásagnarbókmenntir síðastliðinna tuttugu ára. Rýnt er í hinar fjölbreyttu sjálfsmyndir Þórbergs og kynnt til sögunnar hugtakið fjölmyndasafn en fjölmynd er hugtak frá Þórbergi Þórðarsyni komið. Sjálfslýsingar Þórbergs sæta miklum tíðindum þegar skrif hans eru tengd við sögu íslenskra bókmennta og sérstaklega er hugað að þeirri nýstárlegu mynd af karlmanni sem blasir við í skrifum Þórbergs.

   Í ritgerðinni er leitast við að tengja skrif Þórbergs við æviskrifafræði enda á Þórbergur í áhugaverðum samræðum við þetta fræðasvið og hefur margt til málanna að leggja þótt sú umræða fari fram löngu eftir hans dag. Í lokakafla ritgerðarinnar eru skrif Þórbergs tengd við samtímabókmenntir og sýnt fram á hvernig íslenskir rithöfundar sem skrifa skáldævisögur tengja sig gjarnan við Þórberg á einn eða annan hátt.

Um doktorsefnið

Soffía Auður Birgisdóttir er fædd 25. september 1959 í Reykjavík. Hún lauk BA prófi í almennri bókmenntafræði og Cand.mag. prófi í íslenskum bókmenntum frá Háskóla Íslands. Þá lagði hún stund á framhaldsnám í almennri bókmenntafræði við University of South Carolina í Bandaríkjunum um þriggja ára skeið. Soffía Auður hefur kennt um árabil við Háskóla Íslands en undanfarin ár hefur hún starfað sem sérfræðingur við Rannsóknarsetur Háskóla Íslands á Höfn. Soffía Auður er fjögurra barna móðir og gift Þorvarði Árnasyni náttúrufræðingi.

Mánudaginn 9. maí ver Javed Hussain doktorsritgerð sína í efnafræði við Raunvísindadeild Háskóla Íslands. Heiti ritgerðarinnar er: Reikningar á rafafoxun koltvísýrings til að mynda kolvetni og alkóhól (Calculations of carbon dioxide electroreduction to hydrocarbons and alcohols)

Andmælendur eru dr. Marc T.M. Koper, prófessor við Leiden háskóla, Hollandi, og dr. Andrew A. Peterson, prófessor við Brown háskóla, Bandaríkjunum.

Leiðbeinendur voru dr. Hannes Jónsson, prófessor og dr. Egill Skúlason, dósent, báðir við Raunvísindadeild Háskóla Íslands. Einnig sat dr. Sveinn Ólafsson, vísindamaður við Raunvísindastofnun Háskólans í doktorsnefndinni.

Dr. Hafliði Pétur Gíslason, prófessor og deildarforseti Raunvísindadeildar Háskóla Íslands, stjórnar athöfninni.

Ágrip af rannsókn
Tölvureikningar á gangi og hraða rafefnafræðilegrar afoxunar CO₂ til að mynda metan, eten, metanól, etanól og önnur efni hafa verið gerðir til að rannsaka hvaða eiginleika góður efnahvati þarf að hafa til að ferlið sé nógu hratt og til að tiltekið efni myndist. Niðurstöður verkefnisins sýna af hverju kopar er besti efnahvatinn af öllum þeim málmum sem prófaðir hafa verið hingað til á rannsóknastofum og gefur vísbendingar um það hvernig hægt er að leita að betri hvata með tölvureikningum.

Um doktorsefnið
Javed Hussain er fæddur í Pakistan 6. mars 1983. Hann lauk grunnnámi í náttúruvísindum árið 2004 og meistaragráðu í efnafræði árið 2006 við Peshawar-háskóla í Pakistan. Þá lauk hann grunnnámi í kennslufræði árið 2007 frá sama háskóla. Eftir það fluttist hann til Svíþjóðar þar sem hann lauk meistaragráðu í efnafræði við Linneus-háskóla í Kalmar árið 2012. Sama ár hóf hann doktorsnám við Háskóla Íslands. Javed trúlofaðist nýlega Hina Saeed, sem býr í Pakistan.

Efnt verður til málþings til heiðurs Jórunni Erlu Eyfjörð, prófessor við Læknadeild Háskóla Íslands, í tilefni af sjötugsafmæli hennar.

Jórunn Erla hefur verið virk í rannsóknum á brjóstakrabbameini og átt í öflugu alþjóðlegu samstarfi. Eftir hana liggur fjöldi vísindagreina í mörgum af virtustu vísindaritum heims. Hún hefur auk þess leiðbeint fjölmörgum meistara- og doktorsnemum við Háskóla Íslands, tekið virkan þátt í stjórnunarstörfum og setið í fagráðum sænsku og finnsku Vísindaakademíanna. Árið 2006 hlaut hún viðurkenningu Ásu Wright frá Vísindafélagi Íslendinga og árið 2012 hlaut hún viðurkenningu Háskóla Íslands fyrir lofsvert framlag til vísinda.

Dagskrá föstudaginn 6. maí í stofu N-132 Öskju.

Kl. 12:00-13:30 Tveir öndvegisfyrirlesara í boði BMC-GPMLS

Fundarstjóri: Helga M. Ögmundsdóttir
Fyrirlesari 1. Alan Ashworth, President, UCSF Helen Diller Family Comprehensive Cancer, California, USA
Fyrirlesari 2. Serena Nik-Zainal, Career Development Fellow Group Leader in the Cancer Genome Project, The Welcome Trust Sanger Institution, Cambridge, UK

Kl. 13:30-14:00 Hressing

Kl. 14:00-16:00 Málstofa - samstarfsfólk og vinir

Fundarstjóri: Bjarnheiður K. Guðmundsdóttir
Fyrirlesarar: Helga M. Ögmundsdóttir
Steinunn Thorlacius
Stefán Þ. Sigurðsson
Sigríður Klara Böðvarsdóttir
Ólafur Andri Stefánsson
Birna Þorvaldsdóttir
Gunnhildur Óskarsdóttir

Kl. 16:00-17:00 Móttaka

Allir velkomnir meðan húsrúm leyfir

 

Útskriftarsýning kennaranema í skapandi hópverkefnum til B.Ed.-gráðu verður haldin í Skála í Stakkahlíð, þann 4. maí kl. 16-18.

Umfjöllunarefni er samþætting námsgreina og samvinna kennara.

Það sem verður til sýnis á sýningunni:
Spilið Leið til kveikju
Bókin Ævintýri Gunnu
Heimasíðan Kennsluhugmyndir

Boðið verður uppá kaffi, te og bakkelsi.

Allir velkomnir. 

Ingibjörg Ósk Sigurðardóttir doktorsnemi við Menntavísindasvið Háskóla Íslands segir frá norrænu samstarfsverkefni þar sem unnið var með gildi í leikskólastarfi. Leikskólakennarar í tveimur leikskólum á Íslandi tóku þátt í verkefninu og vann Ingibjörg í nánu samstarfi með leikskólakennurum í öðrum leikskólanum. Ingibjörg fjallar um það samstarf og greinir frá fyrstu niðurstöðum doktorsverkefnis síns. 

Allir velkomnir meðan húsrúm leyfir.

Vísindadagurinn er eins dags ráðstefna á Keldum, sem fer fram annað hvert ár og er nú haldin í sjöunda sinn.
Aðgangur að ráðstefnunni er ókeypis og hún er öllum opin.

Nánari upplýsingar um dagskrá má finna á heimasíðu Keldna
 

Kynningarfyrirlestrar: Prófessors- og yfirlæknisstaða í lyflæknisfræði

Umsækjendur um stöðu prófessors og yfirlæknis í lyflæknisfræði munu halda fyrirlestra þar sem þeir kynna rannsóknarferil sinn og sýn á uppbyggingu fræðigreinarinnar og starfsemi sérgreinarinnar.
 
16:00-16:30  Gunnar Guðmundsson, prófessor í lyfja- og eiturefnafræði  
16:30-17:00:  Einar Stefán Björnsson, prófessor í lyflæknisfræði
17:00-17:30:  Magnús Gottfreðsson, prófessor í smitsjúkdómafræði
17:30-18:00:  Karl Konráð Andersen, prófessor í lyflæknisfræði

Hver fyrirlestur verður 20 mín og síðan gefst tækifæri til spurninga og umræðna í 10 mín.

Fundarstjóri: Pálmi V. Jónsson, prófessor í öldrunarlækningum á Landspítala.

Fyrirlestrarnir eru öllum opnir - starfsfólk og nemendur Háskóla Íslands og Landspítala er sérstaklega hvatt til að mæta.

Fundurinn er opinn þeim sem á hann vilja mæta. Ef óskað er eftir því að taka mál til umræðu undir dagskrárliðnum önnur mál, þarf að tilkynna það formanni stjórnar stofunnar áður en fundurinn hefst.  Stjórn stofunnar skipa: Kristján Jóhann Jónsson formaður (krjj@hi.is), Ásgrímur Angantýsson og Jón Yngvi Jóhannsson.

Dagskrá

1. Skýrsla formanns
2. Fjármál
3. Stefna stofunnar og viðfangsefni
4. Íslenska sem námsgrein og kennslutunga
5. Önnur mál

Mánudaginn 2. maí ver Sigríður Sigurðardóttir doktorsritgerð sína í iðnaðarverkfræði við Iðnaðarverkfræði-, vélaverkfræði- og tölvunarfræðideild Háskóla Íslands. Heiti verkefnisins er: Greining fiskveiðistjórnunarkerfa: notkun líkana og hermun (Modelling and Simulation for Fisheries Management).

Andmælendur eru dr. Villy Christensen, prófessor og forstöðumaður Sjávar- og fiskirannsóknarstofnunar Háskólans í Bresku Kólumbíu, Kanada, og dr. Ronald Pelot, prófessor við Dalhousie-háskóla í Halifax, Kanada.

Leiðbeinandi var dr. Gunnar Stefánsson, prófessor við Iðnaðarverkfræði-, vélaverkfræði- og tölvunarfræðideild Háskóla Íslands. Einnig sátu í doktorsnefnd Sigurjón Arason, prófessor við Matvæla-og næringarfræðideild Háskóla Íslands og yfirverkfræðingur hjá Matís, dr. Sveinn Margeirsson, forstjóri Matís, dr. Páll Jensson, prófessor í iðnaðarverkfræði við Háskólann í Reykjavík, og dr. Birgir Hrafnkelsson, dósent í tölfræði við Raunvísindadeild Háskóla Íslands.
 

Dr. Ólafur Pétur Pálsson, prófessor og deildarforseti Iðnaðarverkfræði-, vélaverkfræði- og tölvunarfræðideildar, stjórnar athöfninni.

Ágrip af rannsókn

Fiskveiðistjórnun er vandasamt verkefni sem tekst á við fjölda áskorana, þ.m.t. of stóran fiskveiðiflota, brottkast afla og óarðbærar veiðar. Líta má á fiskveiðar sem kerfi sem einkennast af samspili manna við náttúruauðlindir. Tölvuvædd hermilíkön eru gagnleg til þess að auka skilning á fiskveiðistjórnun sem og styðja við ákvarðanir tengdar stjórnun veiða. Líkön gagnast til þess að meta áhrif breytinga á stjórnun veiða á ólíka þætti, svo sem fiskistofna, atvinnu og afkomu. Breytingarnar eru til dæmis sóknartakmarkanir, breyting á úthlutun kvóta eða krafa um að allur afli komi að landi.

Markmið rannsóknarinnar var að stuðla að bættri fiskveiðistjórnun. Tilgangurinn var að þróa líkön og herma fiskveiðistjórnunarkerfi með það að markmiði að bera saman ólíkar nálganir í stjórnun veiða. Það er gert með því að líta á áhrif þeirra á valdar breytur sem eru ýmist hagrænar, líffræðilegar eða félagslegar. Meginframlag rannsóknarinnar felst í að kynna aðferðir sem hingað til hafa lítið eða ekki verið nýttar á þessum vettvangi. Rannsóknin er þverfagleg og sameinar líkangerð og hermun sem á rætur að rekja til verkfræði og sjávarútvegsfræði sem byggir á vistfræði, hagfræði og félagsfræði. Þrjú líkön voru þróuð, blendings (e. hybrid) hermilíkan sem samanstendur af kviku kerfislíkani (e. system dynamics model) og strjálu-atburða hermilíkani (e. discrete-event simulation model) og nýrri tegund líkana sem er í ætt við einingalíkön (e. agent-based models). Einn angi rannsóknarinnar fjallaði um brottkast en þar voru tólf aðferðir til að draga úr brottkasti metnar kerfisbundið með svokallaðri SVÓT greiningu sem felur í sér að greina styrkleika, veikleika, ógnanir og tækifæri.

Um doktorsefnið

Sigríður Sigurðardóttir fæddist 1. desember 1983. Hún lauk B.Sc. prófi árið 2007 í iðnaðarverkfræði og  meistaragráðu í sama fagi árið 2011. Meistararitgerð Sigríðar fjallaði um líkön og leiðir til hagræðingar í mjólkurvinnslu hjá Mjólkursamlagi Kaupfélags Skagfirðinga. Samhliða doktorsnáminu, sem hófst árið 2011, hefur Sigríður starfað hjá Matís við fjölbreytt verkefni, einkum í sjávarútvegi. Sigríður varði hluta námstímans erlendis; við Kaliforníuháskóla í Berkeley og Chalmers tækniháskólann í Gautaborg og naut leiðsagnar þarlendra prófessora.

Eiginmaður Sigríðar er dr. Egill Maron Þorbergsson og eiga þau dótturina Önnu Ísafold.
 

Mánudaginn 2. maí ver Anil Pandurang Jagtap doktorsritgerð sína í efnafræði við Raunvísindadeild Háskóla Íslands. Ritgerðin ber heitið: Vatnsleysanlegar nítroxíð tvístakeindir til mögnunar á kjarnaskautun (Water-soluble nitroxide biradicals for dynamic nuclear polarization)

Andmælendur eru dr. Stefán Jónsson, verkefnisstjóri hjá Íslenskri erfðagreiningu og dr. Bela Ernest Bode, lektor við Háskólann í St. Andrews, Skotlandi.

Leiðbeinandi var dr. Snorri Þór Sigurðsson, prófessor við Raunvísindadeild Háskóla Íslands. Einnig sátu í doktorsnefnd dr. Guðmundur Gunnar Haraldsson,  prófessor við Raunvísindadeild Háskóla Íslands, og dr. Már Másson, prófessor við Lyfjafræðideild Háskóla Íslands.

Dr. Hafliði Pétur Gíslason, prófessor og deildarforseti Raunvísindadeildar, stjórnar athöfninni.

Ágrip af rannsókn

Kjarnsegulgreining (nuclear magnetic resonance, NMR) er mikilvæg litrófsgreiningaraðferð sem hefur verið notuð á mörgum sviðum vísinda. Helsta takmörkun NMR er lágt næmi. Ein aðferð til að auka styrkleika NMR merkja um nokkrar stærðargráður er mögnun á kjarnskautun (dynamic nuclear polarization, DNP). Í DNP er skautunin venjulega yfirfærð frá tvístakeindum yfir á þann kjarna sem verið er að skoða með NMR. Hins vegar eru flestar þekktar tvístakeindir vatnsfælnar og er því ekki hægt að nota þær fyrir sýni sem eru leysanleg í vatni. Þessi ritgerð lýsir smíði á þremur vatnsleysanlegum tvístakeindum, bcTol, bcTol-M og cyolyl-TOTAPOL. Bæði bcTol og bcTol-M sýna mjög góðan leysanleika í vatni, miklu hærri en hjá öðrum þekktum tvístakeindum, og sterk DNP áhrif.

Stöðugleiki mismunandi stakeinda gagnvart afoxun var einnig rannsakaður í því augnamiði að nota þær við rafeindasegulgreiningu (electron paramagnetic resonance, EPR) í frumum, sem hafa náttúrulega afoxunarmiðla eins og askorbínsýru og glútaþíon. Fimmtán stakeindir voru smíðaðar og var stöðugleiki skoðaður við mismunandi afoxandi umhverfi, þar á meðal í lífandi frumum. Tetraetýlpyrrólidín-afleiddar nítroxíðstakeindir reyndust stöðugastar gagnvart afoxun. Tetraetýlisoindolín-afleiddar nítroxíðstakeindir voru einnig mjög stöðugar gagnvart afoxun og vegna auðveldrar efnasmíðar voru þær valdar til tengingar við kjarnsýrur. Í því skyni var ný aðferð þróuð til spunamerkingar á RNA þar sem 2’-amínó hópar í RNA voru hvarfaðir við isoþíósýaníð virknihópa á ísóindólín stakeindunum í mjög góðum heimtum.

Um doktorsefnið

Anil Pandurang Jagtap fæddist árið 1980 í  Maharashtra-héraði á Indlandi. Hann útskrifaðist með BS-gráðu í efnafræði frá Shivaji University í Kolhapur árið 2001 og lauk  M.Sc. gráðu í  lífrænni efnafræði frá University of Pune á Indlandi árið 2003.  Hann vann fyrir lyfjafyrirtæki í sjö ár áður en hann hóf doktorsnám við Háskóla Íslands árið 2010.

Mánudaginn 9. maí  ver Christopher R. Florian doktorsritgerð sína í jarðfræði við Jarðvísindadeild Háskóla Íslands. Heiti verkefnisins er:  Umhverfisbreytingar á Nútíma í ljósi rannsókna á líf- og jarðefnafræði vatnasviða, litarefni þörunga og stöðugum samsætum í vatnaseti á Baffinlandi og Íslandi (Multi-Proxy reconstructions of Holocene environmental change and catchment biogeochemistry using algal pigments and stable isotopes preserved in lake sediment from Baffin Island and Iceland).

Um er að ræða sameiginlega doktorsgráðu við Háskóla Íslands og University of Colorado, Boulder, Bandaríkjunum og varði Christopher Florian doktorsverkefni sitt við University of Colorado samkvæmt reglum þess háskóla 7. apríl síðastliðinn.

Andmælendur eru dr. William D'Andrea, rannsóknardósent við LDEO of Colombia University, Bandaríkjunum, og dr. Jostein Bakke, prófessor við Bjerknes Centre for Climate Research, University of Bergen, Noregi.

Leiðbeinendur voru  dr. Áslaug Geirsdóttir, prófessor við Jarðvísindadeild Háskóla Íslands, og dr. Gifford H. Miller, prófessor við University of Colorado, Boulder, Bandaríkjunum. 
Einnig sátu í doktorsnefnd  dr. Julio Selpuveda, lektor, dr. Thomas Marchitto, dósent, dr. Diane M. McKnight, prófessor, og dr. James White, prófessor,  öll við University of Colorado, Boulder, Bandaríkjunum.

Dr. Þorvaldur Þórðarson, prófessor og  deildarforseti Jarðvísindadeildar Háskóla Íslands, stjórnar athöfninni.

Ágrip af rannsókn

Vatnaset geymir samfellda sögu umhverfisbreytinga og inniheldur upplýsingar um fjölda ferla sem eiga sér stað í vatninu og á vatnasviði þess. Efnafræðilegir eiginleikar lífrænna efna í setinu gefa vísbendingar um fyrri aðstæður. Vatnaset á Baffinslandi og Íslandi frá Nútíma (síðustu 11.500 ár), er sérstaklega næmt fyrir breytingum í loftslagi vegna stöðu eyjanna við og í Norður-Atlantshafi og sterkrar svörunar við breytingum sem þar eiga sér stað. Litarefni þörunga í vatnaseti og samþætting algengra veðurvísa eins og stöðugra samsæta, C:N hlutfalls, og lífræns kísils var rannsakað til þess að öðlast fyllri skilning á staðbundinni loftslagssögu og lífjarðefnafræði vatnasviða. Ólíkar veðuraðstæður á heimskautasvæðum Kanada og á Íslandi á Nútíma gera okkur kleift að rannsaka og bera saman svörun veðurvísa í þessum mismunandi umhverfum. Niðurstaða þessara rannsókna á loftslagsbreytingum á Nútíma er í meginatriðum í takti við aðrar svipaðar svæðisbundnar rannsóknir, þar sem greinilegar breytingar í veðurvísum fylgja þróun loftslags. Eðli, umfang og tímasetning svörunar veðurvísa er breytileg milli staða og undirstrikar nauðsyn þess að gera grein fyrir mismunandi umhverfisþáttum hvers vatnasviðs, einkum þegar draga á fram veðurfarssögu. Þessi rannsókn er sú fyrsta á hvoru svæði fyrir sig sem notar litarefni þörunga til að rannsaka og endurbyggja umhverfisbreytingar og sýnir einkennandi breytingar í þörungasamfélögum með tíma. Á Baffinslandi eru grænþörungar og háplöntur algengastar á fyrsta hluta Nútímans, en kísilgúrmagn eykst á seinni hluta Nútíma og á Litlu ísöldinni (1300 til 1900 CE). Þessu er fylgt eftir með afturhvarfi til aukinna grænþörunga og háplantna á síðustu áratugum. Þetta mynstur kemur ekki fram í íslenskum vötnum, þar sem Cyanobacteria (blágrænuþörungar) sýnir sterkustu hitastigssvörunina og er algengari á heitum tímum. Lengri tímabil án ísþekju stuðla að fullkomnari þróun árstíðabundinna þörungasamfélaga og eru talin stýra gnægð þeirra. Þessi rannsókn sýnir að þróun þörungasamfélaga í íslenskum vötnum bregst ekki eins sterklega við hlýnun síðustu áratuga eins og vötn á Baffinslandi, þar sem fjöldi veðurvísa snúa skyndilega aftur til þess ástands sem átti sér stað á hámarki hlýnunar á Nútíma. Niðurstöður þessarar ritgerðar lýsa lífjarðefnafræðilegum einkennum sem eiga sér stað á tímum öfga í loftslagi Nútímans, sem hægt er að nota til að spá fyrir um skilyrði í framtíð og geta haft áhrif á vatnsgæði og hringrás kolefnis í hlýnandi loftslagi norðurslóða.

Um doktorsefnið

Christopher R. Florian er upphaflega frá Los Angeles, Kaliforníu, en flutti til Colorado þegar hann ákvað að hefja nám í umhverfislíffræði við University of Colorado, Boulder. Hann lauk BA-gráðu þaðan árið 2007 og vann og ferðaðist um næstu tvö ár á eftir, áður en hann innritaðist í framhaldsnám við jarðfræðideild University of Colorado, Boulder, árið 2009. Þar hann rannsakaði hann jarðefnafræðilega veðurvísa í stöðuvötnum á Baffinslandi í Kanada. Árið 2012 hóf Christopher sameiginlegt doktorsnám við Háskóla Íslands og University of Colorado, Boulder og hefur doktorsverkefnið verið styrkt af Háskólasjóði Eimskipafélags Íslands/Doktorsstyrk Rannsóknasjóðs. 

Föstudaginn 6. maí fer fram doktorsvörn við Sagnfræði- og heimspekideild Háskóla Íslands. Þá ver Heidrun Wulfekühler doktorsritgerð sína í hagnýtri siðfræði er nefnist: The ethical purpose of social work: A neo-Aristotelian perspective.

Andmælendur eru Margaret Rhodes, prófessor emerita við Háskólann í Massachusetts, og Sigurður Kristinsson, prófessor við Háskólann á Akureyri. Aðalleiðbeinandi Heidrunar var Vilhjálmur Árnason, prófessor við Sagnfræði- og heimspekideild, en í doktorsnefnd voru auk hans Sarah Banks, prófessor við Durham háskóla, og Kristján Kristjánsson, prófessor við Háskólann í Birmingham.

Svavar Hrafn Svavarsson, prófessor og deildarforseti Sagnfræði- og heimspekideildar, stýrir athöfninni sem fer fram í Hátíðasal Háskóla Íslands í Aðalbyggingu og hefst kl. 13:00.

GPMLS/BMC Distinguished Guest Lecture Series

Friday, May 6th at 12:50

N-132 Askja

Dr. Serena Nik-Zainal, CDF Group Leader at Wellcome Trust Sanger Institute, UK

Title: Landscape of somatic genetics in 560 whole breast cancer genomes

Abstract: Based on the largest cohort of whole-genome sequenced cancers of single tissue type to date, Dr. Nik-Zainal will describe the landscape of somatic genetics in this dataset paying particular attention to novel findings. Recurrent mutations in the non-coding regions and mutational profiles that distinguish BRCA1 from BRCA2 null cancers will be described. Additionally, dr. Nik-Zainal will present their method of whole genome profiling which provides distinctive visualisations of individual patient tumours.

Symposium in honour of Prof. Jórunn Erla Eyfjörð

GPMLS/BMC Distinguished Guest Lecture Series

Friday, May 6th at 12:05

N-132 Askja

Professor Alan Ashworth, president, UCSF Helen Diller Family Comprehensive Cancer Center; Senior Vice President for Cancer Services, UCSF Health & Professor of Medicine, Division of Hematology/Oncology, Department of Medicine, California, USA

Title: Harnessing DNA repair defects to develop new therapies for cancer

Abstract: DNA repair deficiencies occur frequently in cancer cells. Professor Ahworth will describe how these defects can be therapeutically exploited using synthetic lethality. The development of PARP inhibitors for the treatment of BRCA-related cancers will be used as an example of this. How this general approach can be applied more broadly for cancers with BRCAness will also be discussed.

Symposium in honour of Prof Jórunn Erla Eyfjörð

Charles L. Brooks III, professor at the University of Michigan will give a lecture at a Seminar in Chemistry and Biochemistry.
The title of his talk is Robust Behavior in Nature´s Molecular Machines

Abstract
Biological machines are required to perform many aspects of their mechanical function in the background of species variation, mutations and alterations of their underlying chemical make-up that lead to alternative protein and nucleic acid sequences. How does this happen? Where and how does biology achieve the robustness that is essential for achieving similar function across these variations? In this lecture we will explore the nature of structure-function relationships used in a range of biological machines, from ribosomes, as the key machinery of protein synthesis in the cell, to helicases that function in transcription of DNA to RNA, to viral capsid assembly. In each of these systems, we will suggest that these biological machines utilize simple physical principles as constraints that operate on a scale that is largely ignorant of the detailed nature of the chemical make-up of their constituent components. We will illustrate how the key motions necessary for critical steps in protein synthesis by the ribosome and in functional motions that unwind doublestranded DNA as part of the process of transcription rely largely on the architecture and shape of the these macromolecular machines. We will also demonstrate how elements of viral assembly and the composition of virus types can be rationalized from simple considerations of geometry and topology.

Charles L. Brooks III, professor at the University of Michigan will give a lecture at a Seminar in Chemistry and Biochemistry.
The title of his talk is Robust Behavior in Nature´s Molecular Machines

Abstract
Biological machines are required to perform many aspects of their mechanical function in the background of species variation, mutations and alterations of their underlying chemical make-up that lead to alternative protein and nucleic acid sequences. How does this happen? Where and how does biology achieve the robustness that is essential for achieving similar function across these variations? In this lecture we will explore the nature of structure-function relationships used in a range of biological machines, from ribosomes, as the key machinery of protein synthesis in the cell, to helicases that function in transcription of DNA to RNA, to viral capsid assembly. In each of these systems, we will suggest that these biological machines utilize simple physical principles as constraints that operate on a scale that is largely ignorant of the detailed nature of the chemical make-up of their constituent components. We will illustrate how the key motions necessary for critical steps in protein synthesis by the ribosome and in functional motions that unwind doublestranded DNA as part of the process of transcription rely largely on the architecture and shape of the these macromolecular machines. We will also demonstrate how elements of viral assembly and the composition of virus types can be rationalized from simple considerations of geometry and topology.