Dr. Dawn Elise Mooney flytur erindi í fyrirlestraröð Félags fornleifafræðinga, námsbrautar í fornleifafræði við Háskóla Íslands og Þjóðminjasafnsins - Nýjar rannsóknir í íslenskri fornleifafræði. Fyrirlesturinn verður haldinn miðvikudaginn 23. mars í sal Þjóðminjasafns Íslands og hefst kl. 12:00.

Fyrirlestur nefnist: Farartæki fyrir lifendur og dána: könnun viðarleifa úr íslenskum bátskumlum.

Um fyrirlesturinn:

Grafir með bátum og skipum finnast um alla norðanverða Evrópu, einkum frá Víkingaöld, en á Íslandi hafa aðeins sjö slíkar grafir verið grafnar upp. Hér á landi eru engin skipsflök þekkt frá þessu tímabili og bátaviðir hafa aðeins varðveist í undantekningartilvikum.  Kolaðar viðarleifar úr bátskumlum eru því nálega einu beinu fornleifafræðilegu vísbendingarnar sem til eru um bátasmíðar á Íslandi í öndverðu.  Í erindinu verður sagt frá tegundagreiningu kolaðra viðarleifa úr bátskumlum á Íslandi en á grundvelli hennar, og með samanburði við leifar frá Norðurlöndum og Evrópu, verður fjallað um bátasmíði og viðgerðir á bátum á Íslandi á víkingaöld, og um að hversu miklu leyti rekaviður var notaður í íslenska báta eða hvort þeir voru fluttir inn frá Noregi.  Í erindinu verður einnig fjallað um efnahagslega og félagslega þýðingu bátsgrafasiðarins á Íslandi, með tilliti til þess hversu mikilvæg samgöngutæki bátar voru og með hliðsjón af því að framboð á efnivið sem hentaði til bátasmíða og viðgerða var takmarkað.

Landnámabók er einstætt ritverk sem margir hafa beint athygli að og skrifað um. Mörgum veigamiklum spurningum eru samt enn ósvarað, ekki síst hvað varðar uppruna Landnámabókar (þ.e.a.s. upprunalegan tilgang eða tilurð hennar), sköpunarferlið, og síðar notkun eða hagnýtingu hennar. Í þessu erindi mun ég ekki geta svarað þeim spurningum en með því að hugsa um Landnámabók og bera hana saman við 16- og 17-aldar bókmenntategund sem heitir ‚chorography‘ annars vegar, og hins vegar landakort eða landabréf, mun ég reyna að nálgast ritverkið og ritun þess frá nýju sjónarhorni.

Chorography hefur rætur sínar í klassískum bókmennta-hefðum þar sem ferðum, löndum, svæðum og stöðum var lýst, en einnig í miðaldatextum frá evrópu svo sem króníkum og öðrum textum þar sem landfræði er grundvöllur uppbyggingar þeirra. Chorography varð samt vinsælt sem ein af þremur greinum innan landafræði sem urðu sér fagsvið á 16. öld. Það má taka það fram að á Íslandi skrifaði Árni Magnússon slíkt verk sem hann kallaði ‚Chorographica Islandica‘. Það er athyglisvert að viðfangsefnið og efnisskipun í bókum sem eru flokkaðar sem ‚chorography‘ á mikið sameiginlegt með því sem finnst í Landnámabók. Í erindinu verða taldir upp nokkrir samanburðar-punktar.

Síðan verður rætt um hvernig kort og bókmenntir eiga ýmislegt sameiginlegt, og þjóna að mörgu leyti sambærilegum tilgangi. Bæði kort og frásagnir eru grindur eða formgerðir sem notuð eru til að skipuleggja upplýsingar eða fræði, með það að markmiði að hjálpa okkur að skynja heiminn og okkar stað í honum betur. Ég mun því ljúka þessu erindi með því að segja frá nokkrum hugleiðingum sem snúast um að túlka Landnámabók sem landakort eða landabréf — þó það kort sé skapað úr orðum, (frá-)sagna-kort (e. ‚narrative-map‘ eða ‚work of textual cartography‘).

Emily Lethbridge hlaut doktorsgráðu í forníslenskum bókmenntum frá Háskólanum í Cambridge en starfar nú sem sérfræðingur við Miðaldastofu innan Hugvísindasviðs, með aðstöðu á Árnastofun. Rannsóknasvið hennar eru m.a. íslensk handrit, samspil milli bókmennta og landslags, sérstaklega hvað varðar Íslendingasögurnar.

Heimsyfirráð eða dauði

Skúli Mogensen forstjóri WOW verður gestur á atvinnulífsmálstofu Viðskiptafræðideildar og mun fjalla um lykilatriðin á bak við þróun og árangur WOW air.

Allir eru velkomnir á málstofuna á meðan sæti leyfa.

Sæmundarstund var fyrst haldin á aldarafmæli Háskóla Íslands árið 2011 að frumkvæði Oddafélagsins, sem er félag áhugamanna um endurreisn fræðaseturs að Odda á Rangárvöllum þar sem Sæmundur fróði bjó. Stundin hefur verið haldin árlega síðan, jafnan á degi sem næst vorjafndægrum.

Þar er lærdómsmannsins og þjóðasagnapersónunnar Sæmundar fróða Sigfússonar minnst en hann var uppi á 11. og 12. öld. Sæmundur fór utan til náms og nam m.a. við skóla í Evrópu áður en hann sneri aftur til Íslands og gerðist prestur að Odda á Rangárvöllum.

Dagskráin hefst á Háskólatorgi en líkt og fyrri ár fer Sæmundarstund síðan fram við styttuna af Sæmundi á selnum sem stendur í Skeifunni fyrir framan Aðalbyggingu Háskóla Íslands. Styttuna gerði Ásmundur Sveinsson og vísar hún til frægrar þjóðsögu af viðureign Sæmundar við kölska sem samkvæmt þjóðsögunni flutti Sæmund heim til Íslands í selslíki.

DAGSKRÁ:
Á Háskólatorgi:
11:45 Aron Ólafsson, formaður Stúdentaráðs, kynnir atburðinn og söguna
11:50 Elísabet Ýr, formaður sviðsráðs Verkfræði- og Náttúruvísindasviðs heldur tölu um Sæmund Fróða
12:00 Farið niður að styttunni

Hjá styttunni af Sæmundi fróða:
12:05 Oddafélagið heldur stutta tölu
12:10 Elísabet Ýr afhendir Heiði Önnu viðarskjöld með mynd af Sæmundi og selnum, kemur það í hlut Hugvísindasviðs að halda utan um Sæmundarstund að ári liðnu.
12:15 Leikskólabörn frá Mánagarði syngja nokkur lög
12:25 athöfn lokið

Föstudaginn 8. apríl ver Andrey N. Gagunashvili doktorsritgerð sína í líffræði við Líf- og umhverfisvísindadeild Háskóla Íslands. Heiti verkefnisins er: Sérkenni Nostoc erfðamengja í fléttum (e. Distinctive characters of Nostoc genomes in cyanolichens).

Andmælendur eru dr. Elke Dittmann, prófessor við Háskólann í Potsdam, Þýskalandi, og dr. Heath O'Brien, sérfræðingur við Háskólann í Bristol, Englandi.

Leiðbeinandi var dr. Ólafur S. Andrésson, prófessor við Líf- og umhverfisvísindadeild Háskóla Íslands.

Einnig sátu í doktorsnefnd dr.  Zophonías O. Jónsson, prófessor við Líf- og umhverfisvísindadeild Háskóla Íslands, og dr. Vivian Miao, sérfræðingur við Háskólann í Bresku Kólumbíu, Vancouver, Kanada.

Dr. Eva Benediktsdóttir, dósent og varadeildarforseti Líf- og umhverfisvísindadeildar Háskóla Íslands, stjórnar athöfninni.

Ágrip af rannsókn

Raðgreining og skilgreining gena í erfðamengjum tveggja blágrænbaktería af ættkvíslinni Nostoc, ásamt grófraðgreiningu fjögurra Nostoc stofna úr fléttum, og fyrirliggjandi upplýsingum um erfðamengi margvíslegra Nostoc stofna, gerir kleift að skilgreinina gen sem ráða ferðinni í myndun samlífis og sérstaklega í myndun flétta með asksveppum. Jafnframt virðist sambýlishæfni Nostoc leiða til aukningar í stærð erfðamengis. Ætluð sambýlisgen taka líklega þátt í upphafsatburðum þegar sveppur ber kennsl á heppilegan Nostoc stofn, og öfugt; önnur auka hæfni blágrænbakteríanna til að mynda og viðhalda sambýlinu. Í Nostoc erfðamenginu eru forritaðir eiginleikar til að mynda margvísleg hliðarefni, bæði áður þekkt og ný, m.a. trans-PKS/NRPS afurðina nosperin. Flokkunarfræðirannsóknir hafa sýnt að Nostocættkvíslin er sundurleit, en þessar nýju erfðamengisupplýsingar geta komið að góðu gagni við vinnslu á vandaðri ættfræði og flokkunarfræði ættkvíslarinnar.
 

Um doktorsefnið

Andrey N. Gagunashvili er fæddur 1981 og útskrifaðist með láði frá Moskvuháskóla 2004 með BS-gráðu í jarðvegsörverufræði. Hann lauk meistaragráðu í líffræði frá Háskóla Íslands 2007 undir leiðsögn Ólafs S. Andréssonar. Andrey starfaði hjá Roche NimbleGen 2007-2013, en frá 2013 hefur hann alfarið unnið að doktorsgráðu við Háskóla Íslands.

Árleg ráðstefna grunnnema í uppeldis- og menntunarfræði verður haldin í Stakkahlíð þann 8. apríl nk. Nemar munu kynna lokaverkefni sín.

Boðið verður upp á veitingar.

Dagskrá

• 09:00–09:10  Setning ráðstefnu
• 09:10–10:20  Nám og kennslu
• 10:30–12:10  Heilbrigði og velferð
• 12:40–14:10  Heilbrigði og velferð frh.
• 14:20–15:50  Uppeldi
• 16:00–17:30  Jafnrétti - Áhættuhegðun og forvarnir

Allir velkomnir meðan húsrúm leyfir.

Skekkja þokukenndar hugmyndir um eignarrétt og atferli einstaklinga grundvöll fiskveiðistefnu Íslendinga?

Málþing Hagfræðistofnunar og Lagastofnunar Háskóla Íslands.

Dan Bromley, prófessor við Wisconsin-Madison háskóla og ritstjóri LAND Economics, fjallar um það hvernig hann telur að skilja beri lagaleg og efnahagsleg hugtök sem varða fiskveiðistjórnun og hvernig hægt er að breyta stöðu íslensks sjávarútvegs.

Að dómi Bromley hafa fræðileg skrif um fiskveiðistefnu einkennst af tvíþættri skekkju.  Í fyrsta lagi hefur almenningur ekki skýra hugsun um eignarrétt náttúruauðlinda og ákvarðanir einstaklinga um ráðstöfun þeirra. Af því leiðir að öll umræða um sjávarútvegsstefnu er á skjön. Í öðru lagi hefur misskilningur á hugtökum eins og efnahagsleg hagkvæmni, hagkvæm leiga og auðlindagjald, leitt til þess að stjórnmálamenn og stjórnendur fiskveiða hafa komið á óhagkvæmu fiskveiðistjórnunarkerfi.

Fundarstjóri er Þórólfur Matthíasson, prófessor við Hagfræðideild Háskóla Íslands.

Aðgangur er ókeypis og allir velkomnir.
 

Réttlæti gegnum þjóðarétt: Mikilvægi og áhrif yfirlýsingar Sameinuðu þjóðanna um réttindi frumbyggja

Frummælandi
Dr. Mauro Barelli, dósent við lagadeild City Law School

Hefur samþykkt Sameinuðu þjóðanna um réttindi frumbyggja frá 2007, leitt til alþjóðalöggjafar sem svarar kröfum um réttlæti fyrir valdalitla og viðkvæma hópa eins og til dæmis Rómafólk og landbúnaðarverkamenn? Metið verður hvort þjóðarétturinn hafi brugðist nægilega og réttilega við mannréttindakröfum frumbyggja. Sérkenni baráttu frumbyggja fyrir réttlæti verða skoðuð og leitast við að draga ályktanir um ástæður hinnar jákvæðu viðurkenningar þjóðaréttar á réttindum frumbyggja, sem gæti varpað ljósi á hugsanleg áhrif þessarar lagaþróun á baráttu annarra minnihlutahópa.

Dr. Mauro Barelli er dósent við lagadeild City Law School í London. Hann kennir þjóðarétt, alþjóðleg mannréttindi og um réttindi minnihlutahópa og frumbyggja. Dr. Barelli hefur skrifað mikið um spurninguna um réttindi frumbyggja að þjóðarétti og hefur starfað með alþjóðlegum frjálsum félagasamtökum að réttindum minnihlutahópa og frumbyggja. Árin 2005-2006 var hann lögfræðingur fyrir hönd ríkisstjórnar Bosníu og Hersegóvínu fyrir Alþjóðadómstólnum í Haag þar sem reyndi á samning SÞ um ráðstafanir gegn og refsingar fyrir hópmorð.

Fundarstjóri er Brynhildir G. Flóvenz, dósent við Lagadeild Háskóla Íslands.

Aðgangur er ókeypis og allir velkomnir.

Lawrence D. Berg og Edward H. Huijbens kynna nýja grein sem þeir eru höfundar að ásamt Henrik Gutzon Larsen og sem ber titilinn Producing anxiety in the neoliberal university.

Í kynningunni verður greint frá vísbendingum og heimildum um hvernig nýfrjálshyggjuvæðing háskóla í Norður-Evrópu veldur kvíða meðal akademískra starfsmanna skólanna. Áhersla er lögð á birtingarmyndir nýfrjálshyggjuvæðingarinnar í gegnum ólík vinnumatskerfi skólanna, sem gera þá að vettvangi vaxandi samkeppni og hagræðingar. Í kynningunni verður sýnt fram á hvernig háskólarnir hafa þróað með sér öflug samkeppnis- og matskerfi. Þessi kerfi eru ólík en miða þó öll að aðgreiningu, sem býr í haginn fyrir nýfrjálshyggjuvæðingu háskólanna. Ofan í kaupið bætist svo hvernig kerfin valda viðvarandi kvíða meðal starfsfólks. Í kynningunni verður því haldið fram að þessi birting nýfrjálshyggjuvæðingar sé aðeins angi af sköpun kvíða meðal fólks almennt, þar sem mýkri stjórntæki eftirlits og talningar eru orðin almenn í samfélaginu.

Um höfunda:

Lawrence D. Berg er prófessor í landfræði og leiðir rannsóknarhóp um samfélags-, rýmis- og efnahagslegt réttlæti við háskólann í Bresku Kólumbíu (UBC) í Kanada. Hann hefur birt fjölda greina um gagnrýna landfræði, þar af nokkrar um nýfrjálshyggjuvæðingu æðri menntunar auk þess að ritstýra til 15 ára leiðandi tímariti um gagnrýna landfræði. Nýlega lauk hann 18 ára stjórnarsetu í alþjóðlegum rannsóknarhópi gagnrýnna landfræðinga (e. International Critical Geography Group).

Edward H. Huijbens er landfræðingur sem rannsakar ferðamál á Íslandi og í alþjóðlegu samhengi sem sérfræðingur við Rannsóknamiðstöð ferðamála. Hann er jafnframt prófessor við viðskiptadeild Háskólans á Akureyri.  

Henrik Gutzon Larsen er dósent í mannvistarlandfræði við Lundarháskóla í Svíþjóð. Hann rýnir í rannsóknum sínum í samspil valds og rýmis, sérstaklega með tilliti til húsnæðismála í borgum, hugmyndasögu landfræðinnar og samskipta smáríkja.

Fyrirlesturinn er á vegum námsbrautar í land- og ferðamálafræði.

Ársfundur Stofnunar rannsóknasetra Háskóla Íslands

13.00 Setning ársfundar.
Illugi Gunnarsson, mennta- og menningarmálaráðherra.

13.10 Ávarp.
Jón Atli Benediktsson, rektor Háskóla Íslands.

13.20 Ávarp.
Sturla Böðvarsson, bæjarstjóri Stykkishólmsbæjar.

13.30 Æðarrannsóknir í 10 ár.
Jón Einar Jónsson, forstöðumaður Rannsóknaseturs Háskóla Íslands á Snæfellsnesi.

14.00 Kaffi

14.30 Hringrásarhagkerfið.
Brynhildur Davíðsdóttir, prófessor í umhverfis- og auðlindafræði við Háskóla Íslands.

15.00 Regnskógar norðursins.
Róbert Arnar Stefánsson, forstöðumaður Náttúrustofu Vesturlands.

15:20 Afrán á æðarhreiðrum í Breiðafirði.
Aldís Erna Pálsdóttir, MS í líffræði frá Háskóla Íslands.

15.40 Kaffi

16.00 Hreindýr og menn. Rannsókn á sögu hreindýra á Íslandi.
Unnur Birna Karlsdóttir, sérfræðingur við starfsstöð Stofnunar rannsóknasetra Háskóla Íslands á Egilsstöðum.

16.30 Súrnun sjávar við Ísland: Rannsóknir og staða þekkingar.
Hrönn Egilsdóttir, doktorsnemi við Hafrannsóknastofnun og Jarðvísindadeild Háskóla Íslands.

16.50 Samantekt.
Tómas Grétar Gunnarsson, forstöðumaður Rannsóknaseturs Háskóla Íslands á Suðurlandi.

Fundarstjóri: Sæunn Stefánsdóttir, forstöðumaður Stofnunar rannsóknasetra Háskóla Íslands.

Að dagskrá lokinni verður boðið til móttöku í Æðarsetri Íslands, Frúarstíg 6.
Gestir eru vinsamlega beðnir að skrá sig á á vef Stofnunar rannsóknasetra HÍ. Skráningu lýkur 7. apríl. Rútuferð verður frá Aðalbyggingu HÍ kl. 9.30 og aftur til Reykjavíkur að fundi loknum.

Jeff Hearn, prófessor í kynjafræði við hug- og félagsvísindasvið Örebro-háskóla í Svíþjóð og rannsóknaprófessor í félagsfræði við Huddersfield-háskóla, í Bretlandi, heldur áttunda fyrirlestur vormisseris, „Hnattrænn vandi karla … og hvernig á að bregðast við honum? Mótspyrna, ábyrgð og viðbrögð“.
Jeff er einnig prófessor emeritus við Hanken School of Economics í Finnlandi og meðlimur í bresku félagsvísindaakademínunni. Síðastliðin ár hefur hann lagt áherslu á samspil kyns, kynferðis, ofbeldis, karlmennsku, þverþjóðlegra stofnanna og ferla í rannsóknum sínum. Hann er aðstoðarritstjóri Routledge Advances in Feminist Studies and Intersectionality book series, aðstoðarritstjóri NORMA: the International Journal for Masculinity Studies og meðritstjóri Gender, Work and Organization. Nýlegar bækur eftir hann eru Rethinking Transnational Men (ritstjóri ásamt Marina Blagojević og Katherine Harrison, Routledge, 2013), Opening Up New Opportunities for Gender Equality Work (ásamt Anna-Maija Lämsä et al., Edita, 2015) og Men of the World: Genders, Globalizations, Transnational Times (Sage, 2015).

Í fyrirlestrinum fjallar Jeff um nauðsyn þessa að endurskoða áherslur gagnrýnna rannsókna á körlum og karlmennsku í ljósi hnattrænna og þverþjóðlegra breytinga, svo sem hnattræns hagkerfis, fólksflutninga, upplýsinga- og samskiptatækni. Þetta skiptir ekki aðeins máli í rannsóknum og greiningu heldur einnig í stefnumótun og stjórnmálum. Þessi staða verður skoðuð með hliðsjón af spurningum um mótspyrnu, ábyrgð og mögulegum við brögðum við henni.
Fyrirlesturinn er fluttur á ensku, er öllum opinn og aðgangur er ókeypis.
Viðburðurinn er á Facebook!
Hádegisfyrirlestraröðin á vormisseri 2016 er haldin í samvinnu við Þjóðminjasafn Íslands og UNU-GEST, Alþjóðlega jafnréttisskóla Háskóla sameinuðu þjóðanna.

This presentation, which is based on a recently written journal article with the same title, provides a theoretical analysis of the neoliberal production of anxiety in academic faculty members in universities in Northern Europe. The paper focuses on neoliberalization as it is instantiated through audit and ranking systems designed to produce academia as a space of economic efficiency and intensifying competition. We suggest that powerful forms of competition and ranking of academic performance have been developed in Northern Europe. These systems are differentiated and differentiating, and they serve to both index and facilitate the neoliberalization of the academy.  Moreover, these audit and ranking systems produce an ongoing sense of anxiety among academic workers. We argue that neoliberalism in the academy is part of a wider system of anxiety production arising as part of the so-called ‘soft governance’ of everything, including life itself, in contemporary late liberalism.

About the authors:

Lawrence D. Berg is Professor of Critical Geography at the University of British Columbia, Canada, where he leads the Centre for Social, Spatial & Economic Justice.

Edward H. Huijbens is Professor at the University of Akureyri and researcher at the Institute for Tourism Research.

Henrik Gutzon Larsen is Associate Professor in Human Geography at Lund University, Sweden.

The presentation is organised by the Department of Geography and Tourism.

Lawrence D. Berg og Edward H. Huijbens kynna nýja grein sem þeir eru höfundar að ásamt Henrik Gutzon Larsen og sem ber titilinn Producing anxiety in the neoliberal university.

Í kynningunni verður greint frá vísbendingum og heimildum um hvernig nýfrjálshyggjuvæðing háskóla í Norður-Evrópu veldur kvíða meðal akademískra starfsmanna skólanna. Áhersla er lögð á birtingarmyndir nýfrjálshyggjuvæðingarinnar í gegnum ólík vinnumatskerfi skólanna, sem gera þá að vettvangi vaxandi samkeppni og hagræðingar. Í kynningunni verður sýnt fram á hvernig háskólarnir hafa þróað með sér öflug samkeppnis- og matskerfi. Þessi kerfi eru ólík en miða þó öll að aðgreiningu, sem býr í haginn fyrir nýfrjálshyggjuvæðingu háskólanna. Ofan í kaupið bætist svo hvernig kerfin valda viðvarandi kvíða meðal starfsfólks. Í kynningunni verður því haldið fram að þessi birting nýfrjálshyggjuvæðingar sé aðeins angi af sköpun kvíða meðal fólks almennt, þar sem mýkri stjórntæki eftirlits og talningar eru orðin almenn í samfélaginu.

Um höfunda:

Lawrence D. Berg er prófessor í landfræði og leiðir rannsóknarhóp um samfélags-, rýmis- og efnahagslegt réttlæti við háskólann í Bresku Kólumbíu (UBC) í Kanada. Hann hefur birt fjölda greina um gagnrýna landfræði, þar af nokkrar um nýfrjálshyggjuvæðingu æðri menntunar auk þess að ritstýra til 15 ára leiðandi tímariti um gagnrýna landfræði. Nýlega lauk hann 18 ára stjórnarsetu í alþjóðlegum rannsóknarhópi gagnrýnna landfræðinga (e. International Critical Geography Group).

Edward H. Huijbens er landfræðingur sem rannsakar ferðamál á Íslandi og í alþjóðlegu samhengi sem sérfræðingur við Rannsóknamiðstöð ferðamála. Hann er jafnframt prófessor við viðskiptadeild Háskólans á Akureyri.  

Henrik Gutzon Larsen er dósent í mannvistarlandfræði við Lundarháskóla í Svíþjóð. Hann rýnir í rannsóknum sínum í samspil valds og rýmis, sérstaklega með tilliti til húsnæðismála í borgum, hugmyndasögu landfræðinnar og samskipta smáríkja.

Fyrirlesturinn er á vegum námsbrautar í land- og ferðamálafræði.

Fyrirlestur Mariu Nawojczyk, dósents í félagsfræði við Félagsfræði- og mannfræðideild í AGH University of Science and Technology í Kraká fer fram 8. apríl kl. 12.00 í Lögbergi 201.

Temporary debate of universities functions: is the knowledge transfer manifestation a neo-liberal paradigm?

For a long time we were witnessing the moving logic of economic activities to other spheres of social life. It should, therefore, take the debate over its reach and impact on the functioning of the universities too. Teaching and research were two traditional activities of universities to which now the third equally important one is added; the knowledge transfer. This has given rise to a whole new set of practices aimed at the improvement of the ways that knowledge is created, applied and transferred within and between organizations. In the most developed countries, we can find many successful examples of cooperation between universities and their business environment in creating innovative hubs. The question arises how these practices influence universities as knowledge created organizations.

Allir velkomnir.

 

INNSETNINGARATHÖFN

Geir Gunnlaugsson, prófessor í hnattrænni heilsu.

Haldið er upp á framgang eða ráðningu nýrra prófessora með sérstökum kynningarfyrirlestri á Félagsvísindasviði.

Athöfnin hefst með stuttu yfirliti yfir helstu störf viðkomandi prófessors, en svo tekur hann sjálfur við og flytur erindi um störf sín og framtíðarsýn í kennslu og rannsóknum.

Tilgangur kynningarfyrirlestranna er að vekja athygli á hinum nýja prófessor, störfum hans og áherslum, ekki síst til þess að auka tengsl og samstarf innan skólans.

Flutt verður yfirlit yfir starfsferil Geirs auk þess sem hann flytur erindi í tilefni framgangs í starf prófessors

Inaugural Lecture of Geir Gunnlaugsson
as Professor of Global Health
Date: 1st of April
Place: Oddi, 101

Athöfnin fer fram föstudaginn 1. apríl kl. 15.00 - 16.00

Léttar veitingar.    

Oddi, stofa 101.  Allir velkomnir

Málstöfuröð Rannsóknastofnunar í barna- og fjölskylduvernd vorið 2016 ber yfirskriftina Feður og fjölskylda.

Þann 1. apríl  mun Heimir Hilmarsson halda erindi sem ber heitið Tvö heimili barns, reynsla feðra og sjónarhorn kerfiskenningarinnar. Í erindinu verður fjallað um reynslu feðra sem ekki deila lögheimili með barni sínu og hvernig þeir upplifa reglur sem um slíka stöðu gilda. Í viðtölum við fimm feður, sem eiga börn sem dvelja reglulega hjá þeim en eiga lögheimili hjá móður, kom í ljós að þeir upplifa sterkt að kerfið geri ekki ráð fyrir barni á heimili þeira.

Í erindinu verður notast við sjónarhorn kerfiskenningar og fjallað um fjölskyldukerfi barns. Fjölskyldukerfi barns á tveimur heimilum er fjölbreyttara en þegar það er á einu heimili og það er áskorun fyrir fagaðila í fjölskyldu- og félagsráðgjöf að takast á við þau félagslegu verkefni sem fylgja breyttu fjölskyldumynstri.

Að vera innflytjandi, að takast á við nýjan menningarheim og nýtt tungumál er áskorun, sem felur í sér vissa erfiðleika en mest af öllu tækifæri. Allt of oft er litið á innflytjendur sem einsleitan hóp fólks, sem flúði erfiðleika og hafði varla annað val en að koma til Íslands í staðinn fyrir að horfa á innflytjendur sem fjársjóð af mannauði, sem fólk sem þorir og hefur margt fram að færa. Þetta er mat fyrirlesarans Sabine Leskopf, sem fædd er í Þýskalandi en hefur auk þess búið í Skotlandi, Rússlandi og á Íslandi frá árinu 2000 ásamt manni sínum og börnum. Hún fékk svo tækifæri til að flytja – ásamt fjölskyldu sinni - tímabundið til Berlínar eftir 12 ára búsetu á Íslandi. Í erindinu ræðir Sabine um þennan „endurflutning“ heim í land sem var ekki lengur „heima“ og svo til baka til Íslands. Að hennar mati var þetta stórkostlegt tækifæri til að endurskoða sjálfa sig sem innflytjanda og eigin sýn á nýja, gamla og aftur nýja heimalandið. Eftir flutninginn aftur til Íslands ákvað Sabine að taka þátt í stjórnmálum og takast þar aftur á við nýjan heim, jafnvel nýtt tungumál.

Sabine Leskopf er varaborgarfulltrúi og þýðandi. Hún hefur lengi unnið að málefnum innflytjenda, var m.a. formaður Samtaka kvenna af erlendum uppruna og vann í Alþjóðahúsi.


Fyrirlestur Sabine Leskopf er hluti af fyrirlestrarröð MARK vorið 2016, sem ber yfirskriftina: Ísland heiman og heim – útflytjendur -  innflytjendur. Fyrirlestrarröðin er tvíþætt. Annars vegar fjalla Íslendingar um reynslu sína af búsetu í öðrum löndum og/eða sterkum tengslum við aðra menningu og önnur lönd. Hins vegar segja innflytjendur á Íslandi frá reynslu sinni af búsetu hér og þeim áskorunum sem þeir hafa þurft að takast á við í nýju landi.

Staður og stund: Þjóðminjasafn, 1. apríl kl. 12-13

Allir hjartanlega velkomnir