Daniel Rees prófessor við Háskólann í Colarado í Denver er væntanlegur til landsins og heldur opinn fyrirlestur á vegum Hagfræðideildar Háskóla Íslands, miðvikudaginn 23. mars. Erindið ber heitið: Occupational Licensing and Health: Evidence from Early Midwifery Law. Starfsleyfi og heilsa: Rannsókn á lögum um fæðingarhjálp
"Það er alltaf auðgandi fyrir lítil fræðasamfélög eins og hið íslenska að fá virt vísindafólk í heimsókn." segir Tinna Laufey Ásgeirsdóttir varadeildarforseti við Hagfræðideild. "Auk þess er efnið sem hann mun fjalla um bæði áhugavert og mikilvægt. Hann hefur áhuga á því hvort lögverndun starfsheita sé gagnleg eða skaðleg og mun fjalla um efnið út frá lögum um fæðingaþjónustu í þetta skiptið" segir Tinna Laufey.
Erindið ætti því að vera fróðlegt fyrir marga, hvort sem þeir hafa áhuga á starfsréttindum eða öðrum einkaleyfum, öryggi í heilbrigðisþjónustu, fæðingaþjónustu sérstaklega eða vinnumarkaði í heild sinni.
Erindið er opið og allir eru velkomnir í Odda 101, 23. mars kl. 12-13
Dr. Þórhildur Halldórsdóttir lauk BA gráðu í sálfræði við Háskóla Íslands árið 2007. Hún hélt þaðan til Bandaríkjanna þar sem hún starfaði á ADHD rannsóknarstofu Dr. Andreu Chronis-Tuscano við University of Maryland, áður en hún hóf framhaldsnám í klíniskri barnasálfræði við Virginia Tech. Þar lauk hún MS- og doktorsnámi undir leiðsögn Dr. Thomas Ollendick með sérhæfingu í kvíða- og hegðunarröskunum. Hennar helsta rannsóknarsvið snýr að meðferðarúrræðum fyrir börn og unglinga sem þjást af kvíða- og hegðunarröskunum auk áhrifa fylgiraskana á birtingarmynd algengra geðraskana og virkni gagnreyndra meðferðarúrræða. Þórhildur starfar nú sem nýdoktor við Max Planck Institute of Psychiatry í Þýskalandi þar sem hún rannsakar samspil umhverfisþátta og erfða í myndun geðraskana, einna helst þunglyndis, kvíða- og áfallastreituraskana.
