Sigurður H. Árnason flytur fyrirlestur um verkefni sitt til meistaraprófs í líffræði. Verkefnið ber heitið Fjöruarfi: Svæðisbundinn erfðabreytileiki og hnattræn könnun á litningagerð.
Ágrip
Í þessari rannsókn voru bæði sameindamerking og frumuerfðagreining gerðar á völdum stofnum fjöruarfa, Honckenya peploides, til að ákvarða umfang erfðabreytileika í stofnum og aðgreiningar á milli stofna, auk þess sem breytileiki í litningagerð tegundarinnar var metinn. AFLP aðferð var beitt á stofna frá Surtsey og breytileiki þeirra mældur og borinn saman við stofna frá Heimaey, Stokkseyri, Garði, Grænlandi og Danmörku. Niðurstöður benda til m.a. að fjöruarfi hafi borist til Surtseyjar oftar en einu sinni og frá nokkrum svæðum bæði frá Heimaey og meginlandi Íslands. Fjöruarfi er aðallega ferlitnategund en niðurstöðurnar ásamt ítarlegri könnun heimilda benda til þess að erfðasamsetning fjöruarfa sé afar fjölbreytt á Íslandi eins og annars staðar.
Í meistararnefnd eru Kesara Anamthawat-Jónsson, leiðbeinandi, Borgþór Magnússon og Ægir Þór Þórsson.
Prófdómari er Dr. Snorri Baldursson.