Hvenær hefst þessi viðburður:
9. maí 2014 - 12:00 til 13:30
Staðsetning viðburðar:
Nánari staðsetning:
Stofa 101
Fyrirlestur á vegum Félags- og mannvísindadeildar HÍ í samvinnu við Snarrótina - upplýsingar um Snarrótina fylgja neðst.
Dr. Ethan Nadelmann, framkvæmdastjóri The Drug Policy Alliance, bandarískra baráttusamtaka gegn ríkjandi stefnu í fíkniefnamálum. flytur fyrirlestur í Odda 101 föstudaginn 9. maí kl. 12:00.
Nadelmann er doktor í stjórnmálafræði frá Harvard og með meistaragráðu í alþjóðasamskiptum frá London School of Economics. Hann hefur kennt við Princeton háskóla, skrifað bækurnar Cops Across Borders og Policing the Globe, og birt fjölda greina í virtum fagtímaritum á borð við Science, International Organization, Foreign Affairs, Foreign Policy og Public Interest. Nadelmann hefur sömuleiðis komið fram í öllum helstu fréttamiðlum Bandaríkjanna og víðar.
Nadelmann er einn þekktasti baráttumaður heims gegn bann- og refsihyggju í fíkniefnamálum og gjarnan kallaður heilinn á bak við þær breytingar sem orðið hafa í Bandaríkjunum að undanförnu, nú síðast í Washington og Colorado.
Nadelmann hefur beitt sér fyrir umbótum á réttarvörslukerfi Bandaríkjanna og er auk þess mikilvægur ráðgjafi í hinni alþjóðlegu hreyfingu gegn núverandi stefnu í fíkniefnamálum.
Nadelmann og samtök hans eru virkir þátttakendur í umræðunni í Mið- og Suður-Ameríku, m.a. í Urúgvæ, sem nýlega lögvæddi kannabismarkaðinn að fullu.
Fundarstjóri: Stefán Hrafn Jónsson, dósent í félagsfræði við Háskóla Íslands.
Fyrirlesturinn er ókeypis og öllum opinn.
Snarrótin — Samtök um borgaraleg réttindi er félag áhugamanna um opið samfélag, mannréttindi, upplýsingafrelsi og nýjar leiðir í fíknivörnum. Vefsíða: http://snarrotin.is/