Hvenær hefst þessi viðburður:
2. febrúar 2017 - 12:30 til 16:00
Staðsetning viðburðar:
Nánari staðsetning:
1. hæð
Doktorsnám - og hvað svo?
Starfsþróun doktorsnema - spennandi áskorun fyrir leiðbeinendur
Málþing á vegum Doktorsnámsnefndar heilbrigðisvísindasviðs og Miðstöðvar framhaldsnáms
Doktorsnám framtíðarinnar þarf að taka mið af breytingum á samfélögum um allan heim. Doktorsgráða er ekki lengur ávísun á starf innan háskóla. Fyrirtæki koma í vaxandi mæli að námi og starfsþróun doktorsnema. Það er mikilvægt að Háskóli Íslands fylgist vel með þróuninni en móti sér jafnframt sínar eigin leiðir. Eigi doktorsnám að verða eftirsóknarvert í framtíðinni þarf að hlúa vel að nemendum og framtíðarmöguleikum þeirra.
Boðað er til málþings um starfsþróun doktorsnema. Aðalfyrirlesari er Dr. Janet Metcalf yfirmaður Vitae í Bretlandi sem hefur verið leiðandi í stuðningi við starfsþróun vísindamanna. Stofnunin hefur að leiðarljósi að vanda til rannsóknavinnu, stuðla að nýsköpun og hafa áhrif á þróun samfélagsins. Við vonumst til að sjá sem flesta, bæði leiðbeinendur og doktorsnema til að tryggja fjörlegar umræður um málefni sem kemur okkur öllum við.
Dagskrá:
12:30 - 12:45 Málþing opnað. Prof. Helga Ögmundsdóttir, Heilbrigðisvísindasviði.
Niðurstöður ánægjukannanna meðal doktorsnema við sviðið og atvinna eftir nám.
12:45 - 13:30 Dr. Janet Metcalfe, Head of Vitae. Hvað er starfsþróun doktorsnema og hvernig er best að styðja við hana?
13:30 - 13:45 Kaffihlé
Vinnuhópar (stjórn í höndum dr. Janet Matcalfe):
13:45 - 14:15 Hver er staðan í dag, hvað viljum við, hverjar eru hindranirnar og hvar erum við sterk?
14:15 - 15:30 Næstu skref (meginþættir)/Framtíðarstefnumótun
15:30 - 16:00 Samantekt á vinnu hópanna.
Til undirbúnings má benda áhugasömum á eftirfarandi slóðir: