Hvenær hefst þessi viðburður:
10. janúar 2017 - 14:30 til 13. janúar 2017 - 16:00
Staðsetning viðburðar:
Nánari staðsetning:
Skáli
Sýning á afrakstri þróunarverkefnis í innleiðingu nýsköpunar í textíl verður opnuð þriðjudaginn 10. janúar kl. 14.30.
Um er ræða spennandi samstarfs- og þróunarverkefni sem styrkt er af Sprotasjóði mennta- og menningarmálaráðaneytisins í innleiðingu nýsköpunar í textíl hjá verðandi textílkennurum á Menntavísindasviði og nemenda í textílmennt í 10. bekk í Garðaskóla í Garðabæ.
Verkefnið var samvinna Ásdísar Jóelsdóttur, lektors í textíl við Menntavísindasvið, og Guðrúnar Einarsdóttur, textílkennara í Garðaskóla. Verkefnið var fólgið í því að kennaranemar leiðbeindu nemendum í 10. bekk í tengslum við tilraunavinnu með ýmsum nýjum textílaðferðum og hugmyndavinnu fyrir nýsköpunarverkefni, ásamt því að vinna að eigin nýsköpunarverkefnum.
Á sýningunni eru verk eftir kennaranema við Háskóla Íslands og nemendur í Garðaskóla.
Meðal verka eru sokkabuxur úr endurnýttu efni, handtaska úr fjölbreyttu hráefni, fjölnota drykkjarmál, textílkennarasvunta, blómapottaskrauthlíf og nýstárleg lopapeysa.
Sýningin stendur frá 10.-13. janúar og er staðsett fyrir framan matsalinn í húsnæði Menntavísindasviðs í Stakkahlíð.
Sjá einnig: Nytjahlutir og tískuflíkur á textílsýningu