Meistaravörn í lýðheilsuvísindum frá Læknadeild.
Harpa Þorsteinsdóttir ver meistaraverkefni sitt:
Sálræn líðan barna í kjölfar eldgossins í Eyjafjallajökli 2010
Children´s mental health following the eruption in the Eyjafjallajökull volcano in 2010
Umsjónarkennari og nefnd:
Arna Hauksdóttir, dósent við Miðstöð í lýðheilsuvísindum, Læknadeild, Guðrún Pétursdóttir, forstöðumaður, Stofnun Sæmundar Fróða og Urður Njarðvík, dósent við Sálfræðideild.
Prófdómari er Edda Björk Þórðardóttir, nýdoktor við MLV, Læknadeild.
Allir velkominir.
Nánar um verkefnið:
Náttúruhamfarir eru mikil ógn víðsvegar um heiminn. Þær gerast oft skyndilega og óvænt og geta valdið margs konar viðbrögðum frá fólki. Börn og unglingar eru í áhættuhópi í slíkum aðstæðum fyrir líkamlegum og andlegum einkennum en fjöldi rannsókn á líðan barna sem upplifa náttúruhamfarir er takmarkaður. Markmið þessarar rannsóknar var að kanna sálræna líðan barna í kjölfar eldgossins í Eyjafjallajökli árið 2010. Einnig voru rannsökuð áhrif líðan foreldra á streitueinkenni barna í kjölfar gossins og að lokum hvort að börn sem upplifðu skemmdir á eignum og/eða tjón á heimilum þeirra voru í aukinni hættu á andlegum einkennum. Þessi þversniðsrannsókn var framkvæmd sex til níu mánuðum eftir að gosinu lauk, meðal einstaklinga sem voru búsettir í kringum eldgosasvæðið (N=1615) og til samanburðar var notast við úrtak úr Skagafirði (n=697). Þátttakendur svöruðu spurningalista varðandi eigin heilsu og heilsu barna sem búsett voru á heimilinu á meðan gosinu stóð. Alls var svarað fyrir hönd 779 barna af eldgosasvæðinu og 362 barna úr Skagafirði. Þátttakendur voru spurðir út í mismunandi einkeni barna, eins og öndunarfæraeinkenni, magaverk eða ógleði, höfuðverk, svefntruflanir, kvíða eða áhyggjur, depurð og hegðunarvandamál