Hvenær hefst þessi viðburður:
22. september 2016 - 17:30
Staðsetning viðburðar:
Nánari staðsetning:
Stóri salur
Háskóli Íslands býður ásamt Profilm og Sjónhendingu í bíó á meðan húsrúm leyfir í Háskólabíói þann 22. september nk. kl. 17.30. Þá verður sýnd kvikmyndin “JÖKLALAND –veröld breytinga” eftir Gunnlaug Þór Pálsson en hún er framleidd af Profilm og Sjónhendingu.
“JÖKLALAND –veröld breytinga” er ný íslensk heimildamynd sem fjallar í stuttu máli um rannsóknir vísindamanna á hopi og bráðnun jökla sem eru augljós merki loftslagsbreytinga. Fjöldi vísindamanna frá Háskóla Íslands kemur fram í myndinni en ásamt þeim er Vatnajökull í aðalhlutverki. Fylgst er með vísindamönnum grandskoða skriðjökla hans, lón og sanda.
Myndin verður sýnd í stóra sal Háskólabíós og er hún um 60 mínútur að lengd. Boðið verður upp á léttar veitingar frá kl.17:00.