Alexandra Kjeld flytur fyrilestur um verkefni sitt til meistaraprófs í umhverfisverkfræði. Verkefnið ber heitið Microbial Methane Oxidation at the Fíflholt Landfill in Iceland.
Lífræn yfirborðslög sem oxa metan hafa hlotið viðurkenningu á undanförnum árum sem hagkvæm og áhrifarík leið til að draga úr losun gróðurhúsalofttegunda frá urðunarstöðum. Oxunarhæfni yfirborðslaga á íslenskum urðunarstöðum er hinsvegar ekki þekkt í dag og það er takmörkuð þekking á metanoxun örvera í köldu loftslagi.
Markmið þessarar rannsóknar var að meta hlutfallslega oxunarhæfni núverandi yfirborðslags urðunarstaðarins að Fíflholti á Mýrum, Borgarbyggð, með því að nota gasprófílaðferðina (hlutfall CO2/CH4). Sett voru niður mælirör á mismunandi dýpi á tveim stöðum á rein 2 urðunarstaðarins og punktmælingar gerðar á haust- og vetrarmánuðum 2012-2013.
Rannsóknin var gerð að frumkvæði Sambands íslenskra sveitarfélaga, í samstarfi við HÍ og EFLU verkfræðistofu.
Leiðbeinendur:
Alexandre R. Cabral, Université de Sherbrooke
Lúðvík E. Gústafsson, Samband íslenskra sveitarfélaga
Hrund Ó. Andradóttir, Háskóli Íslands
Helga J. Bjarnadóttir, EFLA verkfræðistofa