Hvenær hefst þessi viðburður:
8. maí 2015 - 9:00
Nánari staðsetning:
Salur Orkuveitu Reykjavíkur
Vatns- og fráveitufélag Íslands (vafri.hi.is) býður til opins málþings um fráveitulausnir á viðkvæmum svæðum og er áherslan á fráveitumál við Þingvallavatn, í samstarfi við Ferðamálaráð, Háskóla Íslands, Orkuveitu Reykjavíkur, Samorku, Umhverfisstofnun og Þjóðgarðinn á Þingvöllum.
Tilgangur málþingsins er að fara yfir stöðu mála og fá fram upplýsingar um hvaða lausnir eru í boði og hafa verið notaðar við svipaðar aðstæður og við Þingvallavatn.
Einn reyndasti sérfræðingur Norðmanna á sviði óhefðbundna skólplausna, prófessor Petter D. Jenssen, mun kynna mögulegar lausnir fyrir dreifbýli og viðkvæm svæði, og deila reynslu sinni og Nágrannalanda af slíkum lausnum.
Einnig verða kynningar um bakgrunnsrannsóknir á Þingvallavatni og nýjar rannsóknir nemenda Háskóla Íslands á óhefðbundnum skólplausnum.
Aðgangur er ókeypis og áhugasamir eru beðnir á skrá sig hér fyrir 7. maí kl. 9 : https://ugla.hi.is/K2/eydublad.php?sid=135&fid=7020