Opin málstofa Konfúsíusarstofnunarinnar Norðurljósa
Contemporary Confucianism and Chinese Modernization
Oddi 101, 7. september frá kl. 9:45 til 17:00

11 fræðimenn víðsvegar að halda erindi sem tengjast efni málstofunnar.

Fyrirlesarar: Jana Rošker, Ady Van den Stock, Lee Ming-hui, Monika Gänßbauer, Bart Dessein, Tea Sernelj, Loreta Poškaite, Matjaž Vidmar, Tze-ki Hon, Vytis Silius, og Geir Sigurðsson.

Full dagskrá og fleira er aðgengilegt á vefsíðu stofnunarinnar.

Allir velkomnir

Gunnar Sandholt, M. Sc., frá Íslenska Sjávarklasanum kemur og kynnir fyrirtækið Codland.

Codland er fullvinnslufyrirtæki  með höfuðstöðvar í Grindavík sem hefur það að markmiði að auka verðmæti fisks. Codland er í eigu Vísis og Þorbjarnar.

Codland er hugmynd með kennitölu þar sem fyrirtæki koma saman og fullnýta aukaafurðir í sjávarútvegi. Þær aukaafurðir sem hugur er að nýta eru hausar, bein, slóg og roð. Nú þegar er verið að þróa mjöl og lýsisvinnslu úr slóginu, ensím eru unnin úr görnum og kollagen er unnið úr roði ásamt því að hausar hafa verið þurrkaðir í mörg ár.

Við höfum mikinn áhuga á því að komst hærra í virðispíramídanum og eru ensím stór hluti af því. Til þess að það verði möguleiki þá þarf að fjárfesta í ungu fólki með þekkingu.

Hvers vegna ójöfn tekjuskipting skapar hættu fyrir lýðræðið - og loftslag í heiminum

Í erindinu er lagt út frá orðum Louis Brandeis fyrrum dómara í Hæstarétti Bandaríkjanna:„Við verðum að velja. Við getum haft lýðræði eða við getum haft söfnun auðs á fárra hendur, en við getum ekki haft hvoru tveggja“. Fjallað er um nýlegar rannsóknir sem sýna þann pólitíska kostnað sem fylgir ójöfnuði: Í fyrsta lagi, hvernig hlutdrægni fulltrúaræðisins hyglir hinum efnameiri í bandarískum stjórnmálum, í öðru lagi hvað ákvarðar áherslu í stefnumálum þeirra (þ.e. hinna efnameiri) og í þriðja lagi hvernig og eftir hvaða leiðum þessar áherslur verða að stefnu stjórnvalda. Í fyrirlestrinum er leitt að því líkum að þessi hlutdrægni fulltrúaræðisins hjálpi til við að útskýra pólitíska pólaríseringu og lömun; sem aftur hjálpi til við að útskýra getuleysi við að móta markmið og aðgerðir til að takast á við fjöldann allan af samfélagslegum áskorunum, þar með talið einni af þeim stærstu, loftslagsbreytingar.

Robert Wade er prófessor í stjórnmálahagfræði og þróunarsamvinnu við The London School of Economics and Political Science (LSE).

Fundarstjóri: Hulda Þórisdóttir, lektor við Stjórnmálafræðideild Háskóla Íslands. 

Föstudaginn 6. september fer fram sameiginleg doktorsvörn við Háskólann í Lundi og Háskóla Íslands. Þá ver Bengt Phung líffræðingur doktorsritgerð sína „Kit viðtakinn og umritunarþátturinn MITF í sortuæxlum“. (The interconnected KIT receptor and Microphthalmia-associated transcription factor axis in melanoma) Andmælandi er Arne Östman, prófessor við Krabbameinsdeild Karolinska Institutet í Stokkhólmi. Leiðbeinendur í verkefninu voru Dr. Lars Rönnstrand, prófessor við læknadeild Háskólans í Lundi og Eiríkur Steingrímsson, prófessor við læknadeild Háskóla Íslands. Vörnin fer fram í fyrirlestrarsal Clinical Research Center í Malmö og verður varpað á tjald í stofu 175 í Læknagarði. Athöfnin hefst kl 11:15 að íslenskum tíma. Spurningum frá áheyrendum á Íslandi verður unnt að koma á framfæri í tölvupósti.

Sortuæxli eru krabbamein litfruma (melanocytes). Himnubundni viðtakinn KIT og umritunarþátturinn MITF (microphthalmia associated transcription factor) eru bæði nauðsynleg fyrir eðlilega þroskun og starfsemi litfruma og koma við sögu í sortuæxlum. Því er mikilvægt að skilja betur hvernig prótein þessi starfa í litfrumum og sortuæxlum og boðleiðirnar milli þeirra.

Í doktorsverkefni þessu voru tengslin milli KIT og MITF skoðuð á ýmsan hátt. Í fyrsta lagi voru skoðaðar þær KIT-háðu boðleiðir sem senda boð til MITF og hafa áhrif á frumufjölgun. Niðurstöðurnar sýndu að KIT sendir boð til MITF í gegnum fleiri boðleiðir en áður var talið. Í öðru lagi var massagreining notuð til að greina þau set í MITF sem taka við boðum m.a. frá KIT og fosfó-sérvirk MITF mótefni útbúin til að staðfesta fosfæringarnar. Fjöldi nýrra fosfæringarseta fundust. Áhugavert var að setin Ser73 og Ser409, sem áður hafa verið talin vera undir stjórn MAPkínasa boðleiðarinnar, reyndust hvorki háð KIT né MAPkínasa boðleiðnum. Í þriðja lagi var valvirk splæsing KIT próteinsins skoðuð og áhrif hennar á starfsemi próteinsins. Vegna valvirkar splæsingar er KIT próteinið framleitt í tveimur útgáfum, með og án fjögurra amínósýra í “extracellular juxtamembrane” svæði próteinsins. Með því að útbúa stökkbreyttar útgáfur af þessu svæði kom í ljós að lengd svæðisins, frekar en röðin sjálf, er mikilvæg til að stilla af virkni KIT próteinsins.

Bengt Phung er fæddur 29. febrúar 1984. Hann lauk BS prófi í líffræði frá College of Idaho í Bandaríkjunum árið 2008. Hann var samþykktur í doktorsnám í Lífvísindum við læknadeild Háskólans í Lundi árið 2008. Verkefni hans var samstarfverkefni rannsóknastofu Dr. Lars Rönnstrand í Lundi og Dr. Eiríks Steingrímssonar við læknadeild HÍ. Bengt vann hluta af verkefni sínu á rannsóknastofu Eiríks í Læknagarði og árið 2010 óskaði hann eftir að vera skráður í nám líka við HÍ. Hann var samþykktur í doktorsnám við HÍ í janúar 2012 og lýkur því doktorsprófi frá báðum háskólum samtímis.

Kynningar á lokaverkefnum til M.Ed.-prófs, sumarmisseri 2013

Fimmtudaginn 5. september í stofu K-205, Stakkahlíð
Föstudaginn 6. september í stofu K-207, Stakkahlíð

Allir velkomnir!

DAGSKRÁ föstudaginn 6. september (kl. 9.15–14.10)
Fundarstjórar: Börkur Hansen, Ólafur Páll Jónsson, Hanna Ragnarsdóttir og Kristín Björnsdóttir

9.15–9.35  Alda Agnes Sveinsdóttir, Stjórnunarfræði menntastofnana
Starfsumhverfi leikskólastjóra. Gildi og gildaklemmur
Leiðbeinendur: Steinunn H. Lárusdóttir og Arna H. Jónsdóttir. Sérfræðingur: Gunnar E. Finnbogason

9.35–9.55  Ingibjörg Magnúsdóttir, Stjórnunarfræði menntastofnana
Að bera sig eftir björginni. Stuðningur við nýja skólastjóra í starfi
Leiðbeinandi: Steinunn H. Lárusdóttir. Sérfræðingur: Allyson Macdonald

9.55–10.15  Hilmar Björgvinsson, Uppeldis- og menntunarfræði með áherslu á stjórnunarfræði menntastofnana
„Það græða allir.“ Viðhorf starfsmanna tveggja skóla til samreksturs leik- og grunnskóla
Leiðbeinandi: Anna Kristín Sigurðardóttir. Sérfræðingur: Börkur Hansen

10.15–10.30  Hlé

10.30–10.50  Guðrún Helga Jónsdóttir, Leiðtogar, nýsköpun og stjórnun
„Peningar eru bara ekki nógu varanlegur hvati.“ Samanburðarrannsókn á sjálfstætt reknum og opinberum grunnskólum
Leiðbeinandi: Rósa Gunnarsdóttir. Sérfræðingur: Guðný Guðbjörnsdóttir

10.50–11.10  Anna Margrét Gunnarsdóttir, Sérkennslufræði
Margar hendur vinna létt verk. Hvernig efla má málörvun fatlaðs barns í daglegu starfi með þátttöku starfsfólks
Leiðbeinandi: Jóhanna T. Einarsdóttir. Sérfræðingur: Karen Rut Gísladóttir

11.10–11.30  Dagný Elfa Birnisdóttir, Náms- og kennslufræði (upplýsingatækni og miðlun)
Safnskjóðan: Námsefni til notkunar á skólasöfnum
Leiðbeinandi: Stefán Jökulsson. Sérfræðingur: Þorsteinn Helgason

11.30–12.15  Hlé

12.15–12.35  Hanna Halldóra Leifsdóttir, Uppeldis- og menntunarfræði með áherslu á sérkennslufræði
Reynsla erlendra foreldra af því að byrja með barn í leikskóla
Leiðbeinandi: Hanna Ragnarsdóttir. Sérfræðingur: Dóra S. Bjarnason

12.35–12.55  Berglind Kristjánsdóttir Lyngmo, Menntunarfræði (fjölmenning)
Samskipti og samvinna foreldra af erlendum uppruna og starfsfólks á leikskólum
Leiðbeinendur: Halla Jónsdóttir og Gunnar E. Finnbogason

12.55–13.15  Magnhildur Björk Gísladóttir, Fjölmenning
Þegar eitthvað  bjátar á er mamma best – sýn ungs fólks á hvert leita skal við erfiðar aðstæður
Leiðbeinendur: Gunnar E. Finnbogason og Gunnar J. Gunnarsson. Sérfræðingur: Hanna Ragnarsdóttir

13.15–13.30  Hlé

13.30–13.50  Sæunn Sæmundsdóttir, Tómstunda- og félagsmálafræði
Hjátrú og busanir í íþróttum
Leiðbeinandi: Guðmundur Sæmundsson. Sérfræðingur: Halldóra Vanda Sigurgeirsdóttir

13.50–14.10  Edda Ósk Einarsdóttir, Tómstunda- og félagsmálafræði
Hvar standa tómstunda- og félagsmálafræðingar í fagþróun sinni samanborið við leikskólakennara?
Leiðbeinandi: Kolbrún Þ. Pálsdóttir. Sérfræðingur: Halldóra Vanda Sigurgeirsdóttir

Kynningar á lokaverkefnum til M.Ed.-prófs, sumarmisseri 2013

Fimmtudaginn 5. september í stofu K-205, Stakkahlíð
Föstudaginn 6. september í stofu K-207, Stakkahlíð

Allir velkomnir!

DAGSKRÁ fimmtudaginn 5. september (kl. 9.15–14.30)

Fundarstjórar: Meyvant Þórólfsson, Arna H. Jónsdóttir og Freyja Hreinsdóttir

9.15–9.35  Guðmundur Grétar Karlsson, Kennslufræði framhaldsskóla
Skapandi efnafræði
Leiðbeinandi: Guðrún Geirsdóttir. Sérfræðingur: Hafþór Guðjónsson

9.35–9.55  Þóra Geirlaug Bjartmarsdóttir, Náms- og kennslufræði (náttúrufræðimenntun)
„Bíddu, ég lærði þetta í fyrra.“ Forhugmyndir barna í náttúruvísindum, hvað vita þau nú þegar?
Leiðbeinandi: Hafþór Guðjónsson. Sérfræðingur: Hrefna Sigurjónsdóttir

9.55–10.15  Fjóla Kristín Helgadóttir, Náms- og kennslufræði (kennslufræði og skólastarf)
Kúnstin að tala saman. Starfendarannsókn meðal grunnskólakennara á unglingastigi á innleiðingu samræðu sem kennsluaðferð
Leiðbeinandi: Hafþór Guðjónsson. Sérfræðingur: Karen Rut Gísladóttir

10.15–10.30  Hlé

10.30–10.50  Linda Björk Huldarsdóttir, Náms- og kennslufræði (menntunar- og kennslufræði yngri barna)
Börn sem búa við heimilisofbeldi – verndandi þættir í umhverfi barna sem byggja upp seiglu við erfiðar aðstæður
Leiðbeinandi: Þórdís Þórðardóttir. Sérfræðingur: Ingibjörg Harðardóttir

10.50–11.10  Hanna Rós Jónasdóttir, Leikskólakennarafræði (grunnþættir og gildi: sjálfbærni, jafnrétti, lífsleikni)
„Þú þarft að vera búinn að afla þér þekkingar á mjög mörgum sviðum til þess að geta sýnt góða fagmennsku.” Reynsla fimm leikskólakennara af eigin fagmennsku, andstæðum viðhorfum í samfélaginu og sýn á leikskóla framtíðarinnar
Leiðbeinandi: Þórdís Þórðardóttir. Sérfræðingur: Steinunn H. Lárusdóttir

11.10–11.30  Bryndís Baldvinsdóttir, Leikskólakennarafræði
„Því söngurinn hann er vort mál.“ Raddsvið og söngfærni íslenskra fimm og sex árabarna
Leiðbeinandi: Helga Rut Guðmundsdóttir. Sérfræðingur: Freyja Birgisdóttir

11.30–12.15  Hlé

12.15–12.35  Sara Margrét Ólafsdóttir, Náms- og kennslufræði (menntunar- og kennslufræði yngri barna)
„Það skapar vellíðan að þurfa ekki að keppast við tímann.“ Áhrif ólíks skipulags á vellíðan barna í leikskóla
Leiðbeinandi: Bryndís Garðarsdóttir. Sérfræðingur: Kristín Karlsdóttir

12.35–12.55  Guðrún Sigurðardóttir, Náms- og kennslufræði (kennslufræði og skólastarf)
Námskrárgerð – hvað er æskilegt að kenna nemendum á starfsbraut í framhaldsskóla?
Leiðbeinandi: Hafdís Guðjónsdóttir. Sérfræðingur: Svanborg R. Jónsdóttir

12.55–13.15  Hafdís Guðrún Hilmarsdóttir, Náms- og kennslufræði (mál og læsi)
Að læra að lesa – myndasögur sem lestrarefni
Leiðbeinandi: Rannveig Auður Jóhannsdóttir. Sérfræðingur: Torfi Hjartarson

13.15–13.30 Hlé

13.30–13.50  Ásta María Þorkelsdóttir, Uppeldis- og menntunarfræði með áherslu á sérkennslufræði
„Ég heyri það sem þú segir en ég skil þig ekki.“ Upplifun og reynsla umsjónarkennara í grunnskóla af kennslu nemenda með sértæka málþroskaröskun í skóla án aðgreiningar
Leiðbeinandi: Þóra Sæunn Úlfsdóttir. Sérfræðingur: Gretar L. Marinósson

13.50–14.10  Karólína Einarsdóttir, Náms- og kennslufræði (listmenntun – listasaga – verkmenntun)
„Hvað er ég að vilja út?“ Myndlistarkennarar sem stunda útikennslu: Hvers vegna og hvernig nýta þeir náttúruna og umhverfið í kennslu?
Leiðbeinendur: Kristín Norðdahl og Svala Jónsdóttir. Sérfræðingur: Svanborg R. Jónsdóttir

14.10–14.30  Hjördís Unnur Björnsdóttir, Kennslufræði grunnskóla
„Allt þetta sjónræna það virkar vel.“ Notkun myndefnis í sögukennslu á unglingastigi grunnskóla
Leiðbeinandi: Lilja M. Jónsdóttir. Sérfræðingur: Ingvar Sigurgeirsson

Hvenær hefst þessi viðburður: 

16. september frá kl.09:00 til 18:00

Nánari staðsetning: 

Radisson BLU Hótel Saga - fyrirlestrarsalurinn Hekla

WebDataNet: Ráðstefna um netkannanir og blandaðar gagnaöflunaraðferðir verður haldin í Reykjavík mánudaginn 16. september 2013 af WebDataNet,  hópi fræðimanna sem styrktur er af COST (European Cooperation in Science and Technology), í samstarfi við Félagsvísindastofnun og Sálfræðideild við Háskóla Íslands.

Tólf erlendir fyrirlesarar munu halda erindi á ráðstefnunni sem ber yfirskriftina “Mixed mode and multi-method research”. Ráðstefnunni er ætlað að kynna og miðla því sem efst er á baugi í gagnaöflun á Internetinu.

Ráðstefnan fer fram í fyrirlestrarsalnum Heklu á Radisson BLU Hótel Sögu og stendur frá kl. 09:00 til kl. 18:00.

Áhugasamir geta skráð þátttöku sína á heimasíðu Félagsvísindastofnunar HÍ, http://www.fel.hi.is/ og þar er einnig hægt að nálgast dagskrá ráðstefnunnar.

Þátttökugjald fyrir ráðstefnuna er 17.000 kr.

Innifalið í þátttökugjaldi er aðgöngumiði á ráðstefnuna og hádegisverðarhlaðborð á veitingastaðnum Skrúði á Hótel Sögu, auk kaffiveitinga á meðan á ráðstefnunni stendur. Við bendum góðfúslega á að mörg stéttarfélög niðurgreiða ráðstefnugjöld fyrir félagsmenn sína.

Nánari upplýsingar veitir Ingunn Eyþórsdóttir, verkefnisstjóri hjá Félagsvísindastofnun HÍ (525-4166/ine1@hi.is).

Um WebDataNet og COST

WebDataNet er þverfræðilegur samstarfshópur sérfræðinga í gagnaöflun á Internetinu sem stofnaður var árið 2011 með styrk frá COST (verkefni IS-1004). Í samstarfshópnum eru aðferðafræðingar, félagsfræðingar, hagfræðingar, málvísindamenn, sálfræðingar og aðrir sérfræðingar um tækni- og internetnotkun frá 27 Evrópuríkjum. Markmið samstarfsins er að stuðla að vísindalegri og vandaðri gagnaöflun á Internetinu,  að leita nýrra leiða við nýtingu internetsins í rannsóknun og að auka réttmæti og áreiðanleika mælinga í netkönnunum.

Frekari upplýsingar um WebDataNet má finna á heimasíðu samtakanna: http://webdatanet.cbs.dk/

COST- (European Cooperation in Science and Technology) er samstarf á sviði vísinda- og tæknirannsókna. COST- netverkefni eru fyrst og fremst ætluð til að auðvelda evrópskum vísindastofnunum að byggja upp samstarfsnet á ákveðnum rannsóknarsviðum. Þátttakendur í COST- verkefnum skiptast á reynslu og niðurstöðum með skipulegum hætti og stuðla þannig að aukinni framþróun á viðkomandi sviði.

Frekari upplýsingar um COST má finna á heimasíðu verkefnisins:  http://www.cost.eu

Dr. Ian F. AKYILDIZ, prófessor í rafmagns- og tölvuverkfræði við Georgia Institute of Technology (Georgia Tech), USA mun halda fyrirlestur sem nefnist
NANONETWORKS: A NEW FRONTIER IN COMMUNICATIONS

ABSTRACT

Nanotechnology is enabling the development of devices in a scale ranging from one to a few one hundred nanometers. Nanonetworks, i.e., the interconnection of nano-scale devices, are expected to expand the capabilities of single nano-machines by allowing them to cooperate and share information. Traditional communication technologies are not directly suitable for nanonetworks mainly due to the size and power consumption of existing transmitters, receivers and additional processing components. All these define a new communication paradigm that demands novel solutions. This talk is focused on two research tracks: Electromagnetic Communication and Molecular Communication between nano-scale machines.

 In the first part, novel graphene-based plasmonic nano-antennas are presented. Starting from a novel conductivity model of graphene nanoribbons, the propagation of surface plasmons in graphene is characterized. The results reveal that these nano-antennas radiate in the Terahertz Band. Motivated by this result, a novel Terahertz Band channel model is presented, which reveals, among other peculiarities, a huge available bandwidth within the communication range envisioned for nanomachines. Also new communication mechanisms are developed such as femtosecond-long pulse-based modulations and low-weigh coding schemes, energy models and communication protocols.

 In the second part, the molecular communication is presented which is a bio-inspired paradigm where the exchange of information is realized through the propagation of molecules. Novel stochastic models of noise sources in diffusion-based molecular communication are presented which reveal the main impairments suffered by the information exchange through this paradigm. Moreover, a closed-form expression of the information capacity is derived through the application of information theory to the molecular diffusion channel. The realization of microbial networks stemming from genetically
 

Konfúsíusarstofnunin Norðurljós kynnir fyrirlestur Moniku Gänßbauer

„Í Kína borða þeir tunglið“: Vestrænar ímyndir af Kína frá 19. til 20. aldar.

Lögberg 102, miðvikudaginn 11. september, kl. 12:25-13:25

Í fyrirlestrinum verður varpað ljósi á hvernig sumum staðalímyndum um Kína hefur vaxið fiskur um hrygg - jafnvel yfir margra alda skeið. Stuðst verður við ýmsa vestræna höfunda og leitast við að gera grein fyrir mismunandi birtingarmyndum Kína í framsetningu þeirra.

Fyrirlesturinn er fluttur á ensku.

Dr. Monika Gänßbauer er um þessar mundir gestaprófessor við Háskólann í Erlangen, Þýskalandi.

Allir velkomnir.

-----

The Northern Lights Confucius Institute presents a lecture by Monika Gaenssbauer

„In China They Eat the Moon“: Western Images of China from the 19th to the 21st Century

Lögberg 102 from 12:25-13:25

Monika aims to show how certain stereotypes of China have managed to perpetuate themselves over time – not just over a century, but over several hundred years. She refers to work done not just in the field of sinology, but also in that of post-colonial and cultural studies. Her paper will discuss speficic authors from the United States and Europe. This analysis of the „images of China“ developed by various authors will also identify and emphasize the respects in which the representations they each provided differ from one another.

The lecture will be given in English.

Dr. Monika Gänßbauer is currently Visiting Professor at the University of Erlangen, Germany.

Everyone is welcome!

Konfúsíusarstofnunin Norðurljós sýnir heimildamyndina

Upp með Langafljóti (2007) („Up the Yangtze“)

Oddi 101, 10. september kl. 20:00-21:30

Ungmenni fá vinnu á skemmtiferðaskipi á Langafljóti, skammt frá Þriggja gljúfra stíflunni, þar sem þau takast á við hækkandi vatnsyfirborð og örar breytingar kínversks samfélags.

Allir velkomnir

Á fæðingardegi dr. Sigurðar Nordals hinn 14. september gengst stofnunin fyrir svokölluðum Sigurðar Nordals fyrirlestri. Fyrirlesturinn verður haldinn í Norræna húsinu. Fyrirlesari að þessu sinni er Auður Ava Ólafsdóttir rithöfundur og forstöðumaður Listasafns Háskóla Íslands með erindi sem hún nefnir Dvergar og stríð.

Í erindinu mun Auður Ava fjalla um lítil og stór viðfangsefni í skáldskap.  Hún mun  minnast á  hávaxnar og smávaxnar sögupersónur, skoða rithöfunda sem tilheyra annars vegar dvergþjóð og hins vegar stórþjóð og velta fyrir sér hugmyndum um eyjar og meginlönd bókmenntanna.

Auður Ava Ólafsdóttir er listfræðingur að mennt. Fyrsta skáldsaga hennar Upphækkuð jörð kom út hjá Máli og menningu árið 1998. Önnur skáldsaga, Rigning í nóvember, kom út hjá Sölku árið 2004 og sú þriðja, Afleggjarinn, hjá sama forlagi 2007. Á síðasta ári kom skáldsaga Auðar Övu, Undantekningin – de arte poetica, út hjá Bjarti. Auður Ava sendi frá sér ljóðabókina Sálminn um glimmerárið 2010 og hefur einnig skrifað þrjú leikrit. Leikritið Svartur hundur prestsins var sett upp hjá Þjóðleikhúsinu 2011, Lán til góðverka var flutt á Listahátíð 2013 og væntanlegt á svið í Þjóðleikhúsinu í febrúar næstkomandi er nýtt leikverk Auðar Övu, Svanir skilja ekki.

Auður Ava hefur hlotið margvíslegar viðurkenningar fyrir bækur sínar, heima og erlendis en verk hennar hafa verið þýdd á 21 tungumál.

Fyrirlesturinn er í boði Stofnunar Árna Magnússonar í íslenskum fræðum.

Allir eru velkomnir.

Heimspekispjall í Hannesarholti, mánudagskvöldið 9. september klukkan 20:00.

Siðfræðikennsla.

Í þessu fyrsta heimspekispjalli vetrarins í Hannesarholti munu Salvör Nordal og Henry Alexander Henrysson fást við spurningar um möguleika og mikilvægi siðfræðikennslu. Salvör fjallar um kennslu í hagnýtri siðfræði þar sem umdeild og viðkvæm siðferðileg álitamál eru til umræðu. Í erindi sínu skoðar Henry mismunandi birtingarmyndir siðfræðikennslu, til dæmis á ólíkum skólastigum, og spyr hvort kennsla í siðfræði geti verið kennsla í siðferði.

Heimspekispjallið er haldið í samstarfi við Félag heimspekikennara.

Aron Solomon flytur erindi á málstofu Viðskiptafræðideildar. Fyrirlesturinn fer fram á ensku.

Ágrip:
There is a massive amount of information on the Internet about how to successfully build and grow a startup. This lecture will attempt to cut through the noise and provide real and relevant information for entrepreneurs, including when and how to work with advisors, when to take investment, and how to differentiate ideas that can become real businesses from those that are destined to simply be a hobby.

A balanced approach to safety in childhood. Why does it matter and what does it look like ?

Þann 19. september heldur Tim Gill, rithöfundur, ráðgjafi og sjálfstæður rannsakandi frá Bretlandi fyrirlestur. Fyrirlesturinn er frá kl. 11.30-12.10 og í framhaldi af honum verður boðið til málstofu í stofu H209 kl. 12.40-13.40. Þar gefst gestum kostur á að ræða við Tim um þau álitamál sem fram kunna að koma í máli hans. Tim er áhrifamikill talsmaður þess að veita börnum frelsi til að vera sjálfstæð innan borga og bæja. Árið 2007 gaf hann út bókina No Fear: Growing up in a risk averse society sem hefur vakið mikla athygli. Nánar um Tim á rethinkingchildhood.com/about/

Gestum gefst kostur á að kaupa sér léttan mat í hléi á milli erindis og málstofunnar.

Richard M. Lerner, prófessor í sálfræði við Tufts-háskóla í Bandaríkjunum, flytur erindi í Háskóla Íslands þriðjudaginn 17. september kl. 15:00 á vegum Menntavísindasviðs og Sálfræðideildar. Erindið ber yfirskriftina „Hvernig má stuðla að farsælum þroska ungmenna?“

Lerner er einn allra þekktasti vísindamaður heims á sviði þroskasálfræði, ekki síst fyrir kenningu sína um hvernig samspil einstaklings og umhverfis getur stuðlað að farsælum þroska ungmenna. Hann stýrir um þessar mundir tíu ára langtímarannsókn sem nær til rúmlega sjö þúsund ungmenna um öll Bandaríkin. Sú rannsókn hefur varpað ljósi á lykilatriði í farsælum þroska ungmenna. Í fyrirlestrinum lýsir Lerner niðurstöðum rannsóknarinnar sem hefur m.a. sýnt hvernig styrkur ungmenna á ýmsum sviðum ásamt tilteknum eiginleikum skóla, fjölskyldu og samfélags, hefur samverkandi áhrif sem stuðla að heilbrigðum, æskilegum þroska ungs fólks.

Erindi Richards Lerner, sem er öllum opið, verður flutt í Odda stofu 101.

Mánudaginn 16. september 2013, flytur PhD Reidar Johan Mykletun prófessor í vinnusálfræði við ferðamálafræðideild Háskólans í Stavanger, fyrirlestur um það hvort matur sé aðalmálið á matarhátíðum. Fyrirlesturinn fer fram í stofu N132 í Öskju kl. 17:00 og eru allir velkomnir. Fyrirlesturinn, Is food really the most important part of a food festival? Evidence from the Gladmat festival in Stavanger, verður fluttur á ensku.

Reidar Johan Mykletun, PhD, er prófessor í vinnusálfræði við ferðamálafræðideild Háskólans í Stavanger. Mykletun starfaði sem forseti deildarinnar á árunum 1997-2003. Helsta rannsóknarsvið Mykletuns tengist vinnuumhverfi, streitu og heilsu, leiðtogahæfni, lýðfræðilegum breytingum og hækkandi meðalaldri, frumkvöðlastarfi, viðburðastjórnun ásamt matar- og ævintýraferðamennsku. Mykletun er enn fremur ritstjóri Scandinavian Journal of Hospitality and Tourism. Frá árinu 2000 hefur hann verið meðlimur the Royal Norwegian Scientific Academy, Class of Humanities. Mykletun hefur verið meðlimur vísindanefndar Academy of Rogaland í Noregi síðan 2012, og hefur hann hlotið viðurkenningu fyrir framúrskarandi rannsóknir frá Rogaland Research Institute.

Í tilefni af útgáfu Hákonar sögu í ritröð Íslenzkra fornrita býður Hið íslenzka fornritafélag til málstofu. Eftirfarandi erindi verða flutt: Þorleifur Hauksson: Samtímasögur um Noregskonunga;Sverrir Jakobsson: Hákon gamli - fyrsti konungur Íslands; Guðrún Nordal: Kringum Sturlu.

Fundarstjóri: Þórður Ingi Guðjónsson.

Að erindum loknum verður boðið upp á léttar veitingar.

NEI!
Uppreisnin gegn Pinochet

Norræna húsið, Bókmenntahátíð í Reykjavík, Alþjóðamálastofnun Háskóla Íslands og Bíó Paradís standa sameiginlega að dagskrá þar sem þess er minnst að 40 ár eru liðin frá valdaráni Augusto Pinochets í Chile, 11. september 1973, og 25 ár liðin frá því að hann var kosinn frá völdum. Dagskráin hverfist um chileanska rithöfundinn Antonio Skármeta sem er einn gesta Bókmenntahátíðar 2013.

Á fundinum í Norræna húsinu koma fram:

• Antonio Skármeta, rithöfundur frá Chile
• Martin Wilkens, starfsmaður sendiráðs Svía í Chile 1973
• Madeleine Ströje Wilkens, sendiherra Svía í Chile 1992-1997

Fundarstjóri er Sigurður Ólafsson, stjórnmálafræðingur, sem stundað hefur rannsóknir í Chile.
 

Léttar veitingar frá Chile eru í boði að fundinum loknum í Norræna húsinu.

Fundargestum er boðið á frumsýningu kvikmyndarinnar NOí Bíó Paradís kl. 20 um kvöldið.

Dagskráin nýtur stuðnings Icelandair og utanríkisráðuneytisins.