Málstofa Lífvísindaseturs verður haldin fimmtudaginn 9. október kl. 12:00-12:40 í stofu 343 í Læknagarði.
Dr. Alexander Schepsky hjá rannsókna- og þróunarsviði Zymetech mun halda fyrirlesturinn "Marine derived medical devices and more"
Zymetech er íslenskt líftæknifyrirtæki sem sérhæfir sig í þróun ensíma úr sjávarlífverum, og hvernig nota má þau í heilbrigðis- og útlitsgeiranum á heimsvísu. Fyrirtækið var stofnað árið 1999 og er staðsett í Reykjavík. Zymetech er leiðandi á heimsvísu í notkun ensíma úr sjávarlífverum í meðferðarskyni. Penzyme tæknin er meginhugverk fyrirtækisins og felur í sér tækni til að nálgast ensím úr sjávarlífverum. Rannsóknir þeirra hafa sýnt fram á virkni Penzyme í meðhöndlun húðsjúkdóma, eflingu í sáraviðgerð og gegn veiru- og bakteríusýkingum. Í þessum fyrirlestri mun Alexander fara yfir hvað fyrirtækið hefur verið að vinna að undanfarið og hvernig rannsóknir hjá Háskóla Íslands geta skapað ný tækifæri fyrir öflug sprotafyrirtæki.
Erindið verður flutt á ensku og er öllum opið.
Nánari upplýsingar á viðburðadagatali Lífvísindaseturs HÍ