Mánudaginn 7. apríl n.k. heldur Gunnar J. Gunnarsson fyrirlestur í boði Guðfræðistofnunar í stofu 229 í Aðalbyggingu Háskóla Íslands. Fyrirlesturinn hefst kl. 11:40.
Yfirskrift fyrirlestursins er: Trú og lífsviðhorf ungs fólks í fjölmenningarsamfélagi
Í fyrirlestrinum verður fjallað um rannsóknir á trúarafstöðu, lífsviðhorf og gildismati barna, unglinga og ungs fólks á Íslandi. Greint verður frá nokkrum niðurstöðum, einkum í yfirstandandi rannsókn á lífsviðhorfum og lífsgildum framhaldsskólanema, með sérstaka áherslu á áhrif trúarbragða og trúariðkunar á líf þeirra og viðhorf.
Gunnar J. Gunnarsson er dósent í trúarbragðafræðum og trúarbragðakennslu við Kennaradeild Menntavísindasviðs Háskóla Íslands. Hann er kennari og guðfræðingur að mennt og með doktorspróf í Uppeldis- og menntunarfræðum frá Stokkhólmsháskóla. Rannsóknir hans hafa einkum beinst að lífsviðhorfi og gildismati ungs fólks og trúarbragðafræðslu í fjölmenningarsamfélagi.
Fyrirlesturinn er öllum opinn.