Verkefnavaka Háskóla Íslands

 

Opið hús á Háskólatorgi og Litla sal fimmtudaginn 20. mars kl. 18:00-24:00
 

Verkefnavaka Háskóla Íslands gegn síðbúnum verkefnum, frestunarpest og ritkvíða.

 

Verkefnavaka verður haldin í annað sinn fimmtudagskvöldið 20. mars kl 18.00 til 24.00 á Háskólatorgi, Litla torgi og stofum HT 101 og HT 300. Verkefnavaka  er viðleitni Háskóla Íslands til að koma til móts við nemendur sem haldnir eru frestunarpest og ritkvíða og til að hjálpa þeim að ljúka verkefnum en ekki fresta þeim.  Einnig að benda nemendum á lausnir við vandamálin og rjúfa þá einangrun sem margir upplifa við úrlausn verkefna . Hugmyndin að Verkefnavöku er fengin frá Þýskalandi en hún var haldin þar fyrst árið 2010 að frumkvæði ritvers Evrópuháskólans Viadrian í Frankfurt.  Sá viðburður þóttist takast einkar vel og í kjölfarið voru stofnuð alþjóðleg samtök um viðburðinn The internartional Long Night Against Procrastination  og hafa verkefnavökur verið haldnar víða um heim.  
 

Margir taka þátt í vökunni af hendi Háskólans.  Má nefna að  fulltrúar frá öllum fimm sviðum skólans verða stúdentum innan handar við að svara spurningum um skrif innan hvers sviðs, starfsfólk Bókasafns Menntavísindasviðs og Landsbókasafns- Háskólabókasafns, fulltrúi frá Kennslumiðstöð , náms- og starfsráðgjafar  og ráðgjafar ritvera Menntavísinda- og Hugvísindasviðs  

Dagskráin er fjölbreytt og eru stúdentar hvattir til að nýta sér þetta tækifæri, einmitt þegar líða fer undir lok vormisseris og mörg verkefni liggja eflaust fyrir.  
 

Bóksala Stúdenta mun hafa opið til 20.00 á Verkefnavökunni.
 

Kjörorð kvöldsins:  Vinnum í náminu eina kvöldstund í góðum félagsskap – rjúfum einsemd höfundarins, gegn síðbúnum verkefnum, frestunarpest og ritkvíða
 

Setning og kynning vökunnar – Jón Atli Benediktsson, aðstoðarrektor vísinda og kennslu við  Háskóla Íslands setur verkefnavöku
 

Skrifað á fræðasviðum – Fulltrúar fræðasviðanna fimm eru tilbúnir til skrafs og ráðagerða og  leiðbeina þeim sem til þeirra leita:

 

•Skrifað á Félagsvísindasvið, Sif Einarsdóttir

•Skrifað á Heilbrigðisvísindasviði, Sigurður Guðmundsson

•Skrifað á Hugvísindasviði, Róbert Haraldsson

•Skrifað á Menntavísindasviði, Helgi Skúli Kjartansson 

•Skrifað á Verkfræði- og náttúruvísindasvið, Ebba Þóra Hvannberg
 

Kynning á Turnitin – Sigurður Jónsson, Kennslumiðstöð HÍ
 

Skrif á ensku – Ásrún Jóhannsdóttir, Hugvísindasviði 
 

Að skipuleggja sig í skrifum – Náms- og starfsráðgjöf HÍ
 

Aðstoð við heimildaleit – Sjálfsmat í upplýsingalæsi, Word og APA-reglum – Starfsfólk Bókasafns  Menntavísindasviðs og Landsbókasafns- Háskólabókasafns

 

Ritunarferlið frá byrjun til enda – Ráðgjafar ritvera á Menntavísindasviði og Hugvísindasviði veita góð  ráð og ræða málin á öllum stigum ritunarferlisins

 

Hópleiðsögn meistaranema

Hópur meistaranema á Menntavísindasviði hittist ásamt leiðbeinendum sínum, eins og þau hafa gert undanfarna mánuði. Leiðbeinendur koma vinnu nema í gang með stuttu innleggi í upphafi og aftur síðar um kvöldið.  Öllum er velkomið að fylgjast með, sömuleiðis að greina frá eigin verkefnum líkt og fastir þátttakendur gera. Umsjón: Svanborg Jónsdóttir, Karen Rut Gísladóttir, Hafdís Guðjónsdóttir og  Hafþór Guðjónsson.

 

Skapandi skrif  – Sigurlín Bjarney Gísladóttir, Hugvísindasviði
 

Aðstoð við skráningu heimilda, EndNote og APA-reglur – Vinnustofa Bókasafns Menntavísindasviðs, Landsbókasafns- Háskólabókasafns og ritvers Menntavísindasviðs

 

Bóksala stúdenta á Háskólatorgi er opin til kl. 20:00 og  Stúdentakjallarinn til kl. 01:00