Náms- og starfsráðgjöf, opinber stefnumótun og félagslegt réttlæti: Sérstaða smærri ríkja

 

Fimmtudaginn 6. mars nk. kl. 16 heldur dr. Ronald G. Sultana, prófessor

við Háskólann á Möltu opinn fyrirlestur í Hátíðasal Háskóla Íslands.

 

Heiti fyrirlestrar er:

 

Í mörgum löndum er náms- og starfsráðgjöf orðin þáttur í opinberri

stefnumótun, sérstaklega þeirri sem snýr að mannauðs- og efnahagsþróun.

Opinberir sjóðir veita fjármagni í verkefni sem þeir telja að bæti þróun

starfsferils hjá einstaklingum og stjórnun þeirra á verkefnum sem koma upp

á starfsferlinum. Framfarir á þessu sviði komi öllum almenningi til góða.

Í fyrirlestrinum verður þessi afstaða gagnrýnd og þær forsendur sem hún hvílir á. Einnig verður rætt um hvernig náms- og starfsráðgjöf getur eflt félagslegt réttlæti á tímum nýfrjálshyggju. Þessi efni verða einnig skoðuð út frá sérstöðu smærri ríkja.

 

Kynning á fyrirlesara:

Ronald G. Sultana er prófessor í félags- og menntunarfræði við Háskólann á

Möltu, þar sem hann stjórnar Euro-Mediterranean Centre for Educational Research. Hann er höfundur margra greina og bóka um tengsl á milli menntunar og atvinnu/atvinnuleysis, og hefur staðið að rannsóknum á náms- og starfsráðgjöf bæði í Evrópu og í all nokkrum Arabaríkjum.

 

Sjá nánar um University of Malta 

netfang: ronald.sultana@um.edu.mt