Hvenær hefst þessi viðburður:
5. apríl 2017 - 20:00
Nánari staðsetning:
Salur samkomuheimilis Neskirkju við Hagatorg
Andófsskáldið Jón lærði?
Jón Guðmundsson lærði (1574-1658) er þekktur fyrir margvíslega iðju, skáldskap, galdur, fræðimennsku og náttúruskoðun. Sérkennilega beinskeytt samfélagsgagnrýni birtist í mörgum kvæða hans. Heimsósóminn í sjálfsævilega kvæðinu Fjölmóði er vel þekktur en einnig er að finna hvassa gagnrýni í safni 26 kvæða undir vikivakaháttum sem aldrei hefur verið prentað í heild. Í erindinu verður rætt um þá samfélagsrýni sem birtist í kveðskap Jóns og hún borin saman við heimsádeilur eldri skálda og samtímamanna auk þess sem leitast verður við að svara þeirri spurningu hvort hann geti talist andófsskáld.
Allir velkomnir!