Námsbraut um kennslu í framhaldsskólum og Rannsóknarstofa um þróun skólastarfs við Háskóla Íslands boða til funda um rannsóknir á framhaldsskólastarfi. Málstofurnar, sem verða átta/níu talsins, verða haldnar í húsnæði Menntavísindasviðs Háskóla Íslands við Stakkahlíð. Erindin eru að jafnaði um 20 mínútur og jafnlangur tími er ætlaður til umræðna. Erindin eru flutt á íslensku nema annað sé tekið fram.
Kennararnir Ingvar Sigurgeirsson, Ingólfur Ásgeir Jóhannesson, Elsa Eiríksdóttir, og Valgerður S. Bjarnadóttir, doktorsnemi, öll við Menntavísindasvið Háskóla Íslands, segja frá rannsókn undir yfirskriftinni: Kennsluaðferðir framhaldsskólakennara í 130 kennslustundum og leiðir þeirra til að gera kennsluna áhugaverða.
Ágrip: Erindið er byggt á gögnum sem safnað var á árunum 2013 og 2014 í níu framhaldsskólum. Höfundarnir flokkuðu helstu kennsluaðferðir, sem kennarar notuðu í 130 kennslustundum sem fylgst var með. Athugað var hvað kennarar gerðu í upphafi kennslustunda og hvað væri gert til að gera kennsluna sem fjölbreyttasta. Sagt verður frá áhugaverðum dæmum.
Allir velkomnir meðan húsrúm leyfir.
Upptökur af völdum fyrirlestrum hafa birst á vef Rannsóknarstofu um þróun skólastarfs.