Dr. Markus Herrgård, prófessor við DTU Háskólann í Danmörku flytur fyrirlestur á á vegum Rannsóknaseturs í kerfislíffræði. Fyrirlesturinn ber heitið Kerfisbundin hönnun á frumuverksmiðjum til hagkvæmrar efnaframleiðslu ( Systematic development of cell factories for high level chemical production).
Rannsóknir Markusar Herrgards beinast að hönnun frumuverksmiðja byggða á kerfislíffræðilíkönum og stórum líffræðilegum gagnabönkum. Rannsóknarhópur hans við DTU vinnur að hönnun slíkra verksmiðja til framleiðslu á verðmætum efnum. Markmiðið hópsins er að nýta niðurstöður háskólarannsókna í iðnaði eins snemma og unnt er. Til að slíkt sé mögulegt er nauðsynlegt að nota nýjustu aðferðir í erfðafræði, kerfislíffræði og líftækni. Þessar aðferðir eru notaðar til sjálfbærrar framleiðslu á ýmsum efnum.