Linda Caldwell, gestaprófessor í tómstunda- og félagsmálafræði, heldur erindi ásamt eiginmanni sínum, Edward Smith
Um er að ræða tvö áhugaverð erindi um forvarnir, frítímann, tómstundir og tómstundamenntun (e. leisure education). Hvernig við verjum frítíma okkar hefur mikil áhrif á heilsu, vellíðan og lífsgæði en ekki eru allir að nýta frítíma sinn vel. Tómstundamenntun er það ferli að kenna fólki að nota frítíma sinn á jákvæðan og uppbyggilegan hátt.
Caldwell og Smith hafa lengi unnið með tómstundamenntun og ásamt fleirum hafa þau þróað verkfærin „TimeWise“ og „HealthWise“, sem þau hafa innleitt og rannsakað með góðum árangri.
Erindin eiga við háskólakennara, rannsakendur, nemendur við HÍ, tómstunda- og félagsmálafræðinga, starfsfólk og leiðbeinendur á vettvangi frítímans, grunnskólakennara og aðra þá sem vinna með börnum og ungu fólki. sem og fyrir aðra áhugasama um viðfangsefnið.