Cristina Hernández Rollan flytur fyrirlestur um verkefni sitt til meistaraprófs í líffræði. Verkefnið ber heitið The proteasome APIS sub-complex and the Rvb1/Rvb2 proteins interact in transcriptional regulation.
Í verkefninu voru könnuð hlutverk svokallaðra APIS próteina í stjórn GAL gena Saccharomyces cerevisiae og hvernig þau tengjast Rvb1/Rvb2 próteinunum sem einnig taka þátt í stjórn genatjáningar. Meðal helstu niðustaðna er að Rvb2 er nauðsynlegt fyrir bindingu Rpt1 og Rpt6 (sem eru hluti af APIS flókanum) við raðir GAL1/10 genanna og að Rpt6 er nauðsynlegt fyrir byndingu TBP við TATA box genanna.
Leiðbeinandi er Zophonías O. Jónsson, prófessor.
Í meistaranefnd er Ólafur S. Andrésson, prófessor.
Prófdómari er Stefán Þórarinn Sigurðsson, dósent í lífefna- og sameindalíffræði.