Í erindinu er sjónum beint að tveimur alþjóðlegum viðburðum sem voru kenndir við almenningsréttarhöld (e. people‘s tribunal). Fyrri viðburðurinn Crimes against Women var haldinn árið 1976 og hinn seinni Vienna Tribunal for Woman‘s Human Rights 1993 og markaði upphafið að mannréttindaorðræðu í alþjóðlegum femínískum aktívisma. Í erindinu eru ofangreindir atburðir settir í samhengi við þá gerjun sem átti sér stað í femínískum fræðum á þeim tíma, einkum og sér í lagi mismunandi túlkanir á kenningum franska rithöfundarins og heimspekingsins Simone de Beauvoir og Marxisma.
Erindið er byggt á doktorsritgerð Valgerðar Pálmadóttir í hugmyndasögu sem hún vinnur við háskólann í Umeå í Svíþjóð. Valgerður útskrifaðist með BA-gráðu í heimspeki og félagsfræði frá Háskóla Íslands árið 2007 og fór þaðan til Gautaborgar að læra hugmyndasögu og útskrifaðist með meistaragráðu frá Gautaborgarháskóla árið 2010.