Tækifærin í Vatnsmýrinni

Háskólinn í Reykjavík heldur málþing í samstarfi við Reykjavíkurborg um framtíð Vatnsmýrarinnar. Tækifærin sem búa í háskólasamfélaginu á sviði menntunar, rannsókna og nýsköpunar verða rædd í samhengi við uppbyggingu í Vatnsmýri. Auk erinda og umræðna verður á staðnum kynning á helstu verkefnum sem eru á döfinni: uppbygging Vísindagarða HÍ, Háskólagarða HR, Hlíðarenda, Skerjafjarðar, Landspítala og samgöngumiðstöðvar.

Meðal þeirra sem flytja erindi á málþinginu er Kristín Ingólfsdóttir, rektor Háskóla Íslands, en hún mun fjalla um tækifærin í Vatnsmýrinni á svæði Háskóla Íslands.