Skiptinám utan Evrópu - Lokakynning

Fulltrúi frá Skrifstofu alþjóðasamskipta fer yfir spennandi tækifæri til skipti- og sumarnáms í Bandaríkjunum, Kanada, Asíu, Ástralíu og Rómönsku Ameríku hjá samstarfsskólum þar sem nám er metið inn í námsferil við Háskóla Íslands. Farið verður yfir umsóknarferlið og atriði sem nemendur þurfa að hafa í huga. Umsóknarfrestur um skiptinám utan Evrópu er 15. janúar og verður þessi kynning sú síðasta í undirbúningi fyrir hann. Sérstaklega verður rætt um lokafrágang á umsókn. 
 

Háskóli Íslands er í samstarfi við yfir 400 háskóla víða um heim og árlega nýta sér fjölmargir að taka hluta af námi sínu erlendis og sækja sér þannig sérhæfingu í námi og dýrmæta reynslu.
 

» fjölbreyttara námsframboð

» skiptinámið er metið inn í námsferil við Háskóla Íslands

» tækifæri til að kynnast menningu annarra landa

» einfaldara og ódýrara en að fara í nám á eigin vegum

» skólagjöld eru felld niður, m.a. við háskóla í Bandaríkjunum og Kanada

» aukin tungumálakunnátta

» dýrmæt reynsla sem nýtist í frekara námi eða á vinnumarkaði

 

Frestur til að skila inn umsókn um skiptinám ásamt fylgigögnum utan Evrópu er til 15. janúar 2016 fyrir skólaárið 2016-2017.

 

Sjá nánari upplýsingar um umsóknarferlið og námsmöguleika á http://www.hi.is/skiptinam