KONNECT er norrænt verkefni sem tengir listnema og vísindamenn á sviði umhverfisfræða í leit að leiðum til þess að vekja athygli á aðsteðjandi umhverfisógnum.
Í KONNECT vinna vísindamenn, listamenn og nemendur saman í 4 daga vinnustofum sem skipulagðar eru af Stofnun Sæmundar fróða við Háskóla Íslands og listaháskólum á öllum Norðurlöndunum. Vinnan skilar sér í safni hugmynda að listaverkum, en úrval þeirra fær síðan framleiðslustyrk.
Fyrsta vinnustofan var haldin að Kolstöðum í Borgarfirði í september síðastliðnum og tókst með afbrigðum vel. Á vinnustofunni í Norræna húsinu munu nemendur kynna tillögur sínar að listaverkum. Dr. Ragna Benedikta Garðarsdóttir dósent við sálfræðideild HÍ mun leiða umræður um tillögur nemendanna og hvernig hafa má áhrif á mannlega hegðun.
Málstofan fer fram á ensku vegna erlendra þátttakenda og er opin öllum.