Sturlungaöld

Helgi Þorláksson

Friður, völd og vandræði

Fyrirlesari fer yfir kenningar og tilgátur sem settar hafa verið fram um valdasamþjöppun á þjóðveldistíma, hvenær hún muni hafa byrjað og náð hámarki. Hann fer líka orðum um ástæður sem dregnar hafa verið fram fyrir þessari þróun og til hvers hún leiddi að mati fræðimanna. Meginatriðið er að kynna eigin kenningu um þetta en hún snýst um að ósk eftir friði og hugmynd um að „sterkir menn“ gætu tryggt hann hafi átt hljómgrunn í kringum 1200. Dæmi um þetta verða rakin og grafist fyrir um ástæður, ekki síst áhrif kirkjunnar og vandræði sem tengdust fæðardeilum. Loks verður fjallað um það af hverju valdasamþjöppun leiddi ekki til aukins friðar heldur þvert á móti.

Helgi Þorláksson er prófessor emeritus í sagnfræði við Sagnfræði- og heimspekideild Háskóla Íslands.

Aðgangur ókeypis og öllum heimill á meðan húsrúm leyfir.

Miðaldastofa Háskóla Íslands
The University of Iceland Centre for Medieval Studies
miðaldastofa.hi.is