Í tilefni af 100 ára afmæli kosningaréttar kvenna verður efnt til alþjóðlegrar hátíðarráðstefnu í Silfurbergi í Hörpu dagana 22.-23. október 2015. Fyrri daginn verður sjónum beint að baráttunni fyrir almennum kosningarétti og þróun borgaralegra réttinda kvenna á þeim hundrað árum sem liðin eru frá því að konur hlutu kjörgengi og kosningarétt á Norðurlöndum. Síðari daginn verður leitast við að svara þeirri spurningu hvaða ógnir steðji að borgaralegum réttindum kvenna í dag. Ráðstefnan verður haldin í Hörpu og er bæði almenns og fræðilegs eðlis. Hún fer fram á ensku og er öllum opin, en nauðsynlegt er að skrá sig til þátttöku fyrir 20. október. Óskir um táknmálstúlkun þurfa að berast í síðasta lagi 14. október 2015.
Nánari upplýsingar um ráðstefnuna