Mánudaginn 21. september n.k. heldur Gunnþór Þ. Ingason fyrirlestur í boði Guðfræðistofnunar í stofu 229 í Aðalbyggingu Háskóla Íslands. Fyrirlesturinn hefst kl. 11:40.
Yfirskrift fyrirlestursins er: Stef í keltneskri kristni. Í fyrirlestri sínum mun Gunnþór fjalla um mótun og grunnstef í fornkeltneskri trúarhugsun.
Séra Gunnþór Þ. Ingason útskrifaðist sem cand. teol. úr Guðfræðideild Háskóla Íslands 1974 eftir að hafa jafnframt lokið sérnámi í sálar- og félagsfræðum. Hann lagði stund á kristna dulhyggju og ,,þriðja heims‘‘ guðfræði 1988 í Prestaháskólanum í Lögumkloster á Jótlandi í Danmörku. Hann lagði fyrir sig keltneska kristni og miðaldalatínu í Háskólanum í Wales, Lampeter, þaðan sem hann útskrifaðist með meistaragráðu 2008. Hann þjónaði sem sóknarprestur í Þjóðkirkju Íslands í 33 ár, fyrst á Suðureyri og svo í 32 ár í Hafnarfirði. Gunnþór hefur síðustu árin starfað á Biskupsstofu sem prestur á sviði helgihalds og þjóðmenningar.
Fyrirlesturinn er öllum opinn.