Ráðstefna um rannsóknir á framhaldsskólastarfi í Fjölbrautaskólanum við Ármúla þann 25. september nk. kl. 10–17. Á ráðstefnunni verða fyrirlestrar og málstofur. Fyrirlestur verður um rannsóknina Starfshættir í framhaldsskólum sem hópur kennara, doktorsnema og meistaranema við Háskóla Íslands stendur að. Einnig munu áströlsku fræðimennirnir Glenda McGregor frá Griffith-háskóla og Martin Mills frá University of Queensland halda fyrirlestur.
Að ráðstefnunni standa Félag framhaldsskólakennara, Félag stjórnenda í framhaldsskólum, Samtök áhugafólks um skólaþróun, námsbraut Háskóla Íslands um kennslufræði framhaldsskóla og háskóla, Rannsóknastofa um þróun skólastarfs, rannsóknarhópur um starfshætti í framhaldsskólum og norræna öndvegissetrið Justice Through Education in the Nordic Countries (JustEd).
Nánari upplýsingar veitir Ingólfur Ásgeir Jóhannesson (ingo@hi.is; sími 525 5523 eða 869 4217)
http://menntavisindastofnun.hi.is/throun_skolastarfs/dagskra