Opinn fundur: Miðvikudaginn 5. ágúst frá kl. 12 til 13 í Odda 101.
Baráttan gegn Trident-kjarnorkuvopnunum í Skotlandi og áhrif hennar á umheiminn
Scottish resistance to Trident on our soil, and the implications for the UK and the wider world
Kjarnorkuvopnabúr Bretlands er geymt í Faslane-kafbátastöðinni í grennd við Glasgow í Skotlandi. Friðarsinnar hafa barist gegn stöðinni um árabil og dregið fram ýmsar skuggalegar upplýsingar um ástand kjarnorkuflotans. Um nokkurra ára skeið hefur verið rætt um endurnýjun Trident-kjarnorkuflauganna og hefur það mál haft víðtæk pólitísk áhrif
og tengst m.a. umræðu um mögulegt sjálfstæði Skotlands.
Veronika Tudhope er varaforseti Skotlandsdeildar CND (Campaign for Nuclear Disarmament) og á sæti í aðalstjórn CND í Bretlandi. Hún hefur á liðnum árum tekið virkan þátt í baráttunni gegn kjarnorkuvopnum.
Fundarstjóri: Kristinn Schram, lektor í þjóðfræði við Háskóla Íslands
Fundurinn verður á ensku og er öllum opinn.
Aðstandendur: Samstarfshópur friðarhreyfinga og Alþjóðamálastofnun Háskóla Íslands