Fulltrúar frá Skrifstofu alþjóðasamskipta fara yfir þá spennandi möguleika á skiptinámi í Bandaríkjunum, Kanada, Asíu, Ástralíu og Rómönsku Ameríku sem standa nemendum Háskóla Íslands til boða. Farið verður yfir umsóknarferlið og atriði sem nemendur þurfa að hafa í huga, bæði fyrir skiptinámið og að því loknu.
Háskóli Íslands er í samstarfi við yfir 500 háskóla víða um heim og árlega nýta sér fjölmargir að taka hluta af námi sínu erlendis.
Frestur til að sækja um skiptinám utan Evrópu er til 15. janúar 2015 fyrir skólaárið 2015-2016.
Kostir þess að fara í skiptinám:
» fjölbreyttara námsframboð
» skiptinámið er metið inn í námsferil við Háskóla Íslands
» tækifæri til að kynnast menningu annarra landa
» einfaldara og ódýrara en að fara í nám á eigin vegum
» möguleikar á ferða- og dvalarstyrkjum til Evrópu
» niðurfelld skólagjöld m.a. við háskóla í Bandaríkjunum og Kanada
» aukin tungumálakunnátta
» dýrmæt reynsla sem nýtist í frekara námi eða á vinnumarkaði