Fyrirlesari: Björg Þorleifsdóttir, lektor við Læknadeild Háskóla Íslands.
Tímasetning svefns og vöku innan sólarhrings ákvarðast af lífklukkunni sem er stillt af sólarljósinu, en aðrir þættir sem taka mið af staðarklukku hafa einnig áhrif. Misræmi milli sólar- og staðartíma stuðlar að því að lífklukkan gengur ekki í takt við staðartíma. Of fljót staðarklukka stuðlar að seinkun háttatíma og afleiðingin er sú að á vinnudögum sérstaklega, þegar fótaferðartíminn er fastur, styttist svefntíminn. Fjölmargar rannsóknir sýna sterk tengsl milli skerts svefns og margháttaðra heilsufarsvandamála.
Í nær hálfa öld hefur klukkan á Íslandi verið stillt einni klukkustund á undan sólarklukku. Merki eru um að þetta valdi klukkuþreytu (social jetlag) meðal þjóðarinnar.