Margrét Ósk Óskarsdóttir flytur fyrirlestur um verkefni sitt til meistaraprófs í vélaverkfræði. Verkefnið ber heitið A General Description and Comparison of Horizontal Axis Wind Turbines and Vertical Axis Wind Turbines.
Ágrip
Í þessu meistaraverkefni eru teknar saman upplýsingar um lykilatriði er snúa að hönnun vinmylla og framkvæmdur samanburður útfrá legu rótors. Fjallað er um helstu íhluti vindmylla sem hafa rótor í láréttri stefnu. Svo þar á eftir eru teknar fyrir helstu gerðir rótora sem hafa lóðrétta stefnu og nokkrar undirgerðir þeirra. Einnig er fjallað um hönnunarferlið með áherslu á hönnun vindmyllunnar. Þar voru einnig bornar saman vindmyllur út frá stefnu rótors í því samhengi. Gerð voru skil á vindmyllugörðum, mismunandi aðferðafræði og rannsóknir sem hafa verið gerðar á uppbyggingu á þeim. Að lokum er stutt lýsing á ákvöðunarferli um hvernig eigi að velja réttu vindmylluna fyrir ákveðin tilfelli út frá þörfum viðskiptavinar. Gerð var einföld mynd sem leiðir notandann í gegnum ákvarðanaferlið sem að lokum gefur niðurtöðu út frá þörfum hans. Það er auðvelt að bæta við myndina ef þess þykir þörf. Myndin er einnig góður grunnur að því að hanna forrit sem myndi einnig gefa ákjósanlega niðurstöðu. En forritið myndi þjóna þeim tilgangi að finna vindmylluna/vindmyllurnar sem henta út frá gagnagrunni sem væri þá til staðar.
Leiðbeinendur: Rúnar Unnþórsson og Magnús Þór Jónsson
Prófdómari: Sæþór Ásgeirsson