Clik here to view.
Námskeiðið „Skrifleg próf, skipuleg svör“ verður haldið föstudaginn 4. mars klukkan 13.15-14.15 í stofu 301 í Árnagarði. Þar verður farið yfir nokkur mikilvæg atriði sem gott er að hafa í huga þegar svara þarf ritgerðarspurningum á skriflegu prófi. Umsjónarmenn eru Arndís Jónasdóttir og Jóhanna G. Ólafsson, meistaranemar og ráðgjafar í Ritveri Menntavísindasviðs. Námskeiðið er ókeypis og skráning er ekki nauðsynleg.
Um leið viljum við vekja athygli á þjónustu þeirra ritvera sem starfa innan Háskóla Íslands. Ritver Hugvísindasviðs og Ritver Menntavísindasviðs aðstoða alla nemendur HÍ við ritgerðir og skrifleg verkefni á öllum stigum og bjóða nemendum upp á ókeypis viðtalstíma. Frekari upplýsingar um viðtalstímana er að finna á heimasíðum ritvera Hugvísindasviðs og Menntavísindasviðs.
