Opinn fundur Alþjóðamálastofnunar og Félags Sameinuðu þjóðanna.
Þeir sem starfa á vettvangi átaka fyrir Sameinuðu þjóðirnar vinna oft á tíðum við erfiðar og hættulegar aðstæður. Sem umboðsmaður starfsfólks Sameinuðu þjóðanna í Nairobi stóð Mikael vörð um réttindi umbjóðenda sinna gagnvart yfirmönnum þeirra. Í erindi sínu fjallar Mikael Magnússon um vanhæfni samtakanna til að taka á sínum innri málum. Í dag býr hann í Andalúsíu, þar sem hann meðal annars aðstoðar starfsfólk SÞ sem þarf að sækja rétt sinn gagnvart samtökunum.
Árið 2013 kom út bókin “Við skjótum þig á morgun, mister Magnússon” eftir Hauk Má Haraldsson, en hún segir frá lífshlaupi Mikaels.
Mikael starfaði fyrir Rauða krossinn og Umhverfisstofnun Sameinuðu þjóðanna, UNEP, til fjölda ára. Hann var svæðisstjóri í Namibíu og yfirmaður í friðargæsluliði SÞ í fyrrum Júgóslavíu.
Fundarstjóri: Þröstur Freyr Gylfason, formaður Félags Sameinuðu þjóðanna