FRÆÐSLUFUNDUR VÍSINDAFÉLAGS ÍSLENDINGA
Jöklar á hverfanda hveli
Dr. Helgi Björnsson jöklafræðingur
Ágrip
Frá 7. áratug síðustu aldar hafa jöklarannsóknir á Íslandi á margan hátt verið landkönnun, varpað ljósi á áður óþekkt landslag undir jöklum, ís og vatnsforða að baki jökulfljóta. En rannsóknirnar hafa jafnframt aukið skilning á eðli jökla, einkum jökulhlaupa og sambúð íss og elds. Þá hafa þær tengt afkomu jökla við loftslag nú á dögum, skýrt myndun jökla fyrr á tíð og nýst við mat á líklegum viðbrögðum jökla við loftslagsbreytingum á komandi árum. Í fyrirlestrinum mun Helgi Björnsson fjalla um niðurstöður þessara rannsókna og framtíð jökla, hafíss og sífrera á jörðinni í hlýnandi loftslagi 21.aldar.
Kaffi og kleinur í boði Vísindafélagsins frá kl. 14:30-15:00
Fundarstjóri
Árný Erla Sveinbjörnsdóttir, vísindamaður