Með fróðleik í fararnesti - Stjörnu- og norðurljósaskoðun

Af hverju eru stjörnur mismunandi á litinn og hvers vegna sjást norðurljósin bara stundum? Sævar Helgi Bragason, stjörnumiðlari frá Háskóla Íslands, svarar öllum spurningum um norðurljósin, stjörnurnar og vetrarbrautina í gönguferð sem helguð er himingeimnum föstudaginn 27.janúar. Brottför kl. 20 á einkabílum frá skrifstofu Ferðafélags Íslands í Mörkinni 6.

 

Nauðsynlegt er að klæða sig vel og gott er að taka með kíki og nesti. Ferðin tekur um 2-3 klst. Ef ekki viðrar til himinskoðunar þennan dag verður ferðinni frestað þangað til góðar aðstæður skapast og það auglýst á Facebook-síðu og heimasíðu Ferðafélags barnanna og á heimasíðu Háskóla Íslands. 

 

Gangan er hluti af verkefni Háskóla Íslands og Ferðafélags Íslands, Með fróðleik í fararnesti, sem hófst á aldarafmæli skólans árið 2011. Reynsla og þekking fararstjóra Ferðafélagsins og þekking kennara og vísindamanna Háskólans blandast saman í þessum áhugaverðu gönguferðum. Markmiðið með þeim er að vekja áhuga almennings á fræðslu og hollri útivist og fjölga valkostum í þeim efnum. Um leið er vakin athygli og vonandi áhugi á fjölbreyttri starfsemi Háskóla Íslands og Ferðafélagsins.

 

Þátttaka ókeypis og allir velkomnir.

 

Föstudaginn 17. febrúar kl. 16 - Snjór og ís í Bláfjöllum