Félag stjórnmálafræðinga stendur fyrir hádegisfundi um nýútkomna bók Jóns Gunnars Bernburgs um mótmælin 2008-09 í kjölfar efnahagshrunsins, „Economic Crisis and Mass Protest: The Pots and Pans Revolution in Iceland“. Fundurinn er haldinn í samtarfi við Stofnun stjórnsýslufræða og stjórnmála.
Í bók Jóns Gunnars, skýrir hann hvernig fjármálakreppan leiddi til stigmagnandi fjöldamótmæla á tímabilinu október 2008 til janúar 2009. Um er að ræða tilviksrannsókn (e. case study); fjölbreyttum aðferðum var beitt til þess að skoða atburði og þátttakendur, þar á meðal. viðtölum við mótmælendur, könnunum á mótmælaþátttöku almennings og greiningu á orðræðunni í samfélaginu. Íslensku atburðirnir eru settir í samhengi við fjöldamótmæli sem hafa átt sér stað víða um heim í kjölfar fjármálakreppunnar.
Jón Ólafsson heimsspekingur og Eva H. Önnudóttir stjórnmálafræðingur munu, að loknum fyrirlestri Jóns Gunnars, ræða efni bókarinnar og framlag hennar til þekkingar á íslensku samfélagi.
Stefán Hrafn Jónsson, formaður Félagsfræðingafélags Íslands, stýrir umræðum.
Sjá Fésbókarviðburð hér: https://www.facebook.com/events/380037332119928/
Allir velkomnir.
Félag stjórmálafræðinga í samstarfi við Stofnun stjórnsýslufræða og stjórnmála.