Mánudaginn 14. mars n.k. heldur Dr. Grétar Halldór Gunnarsson fyrirlestur í boði Guðfræðistofnunar í stofu 229 í Aðalbyggingu Háskóla Íslands. Fyrirlesturinn hefst kl. 11:40.
Yfirskrift fyrirlestursins er: Aðgreining, átök eða dýnamík? Samspil trúar, kærleika og veraldlegra yfirvalda.
Með hvaða hætti á samband trúarlegs kærleika og veraldlegra stofnanna að vera? Á þar á milli að vera fíndregin aðskilnaðarlína, togstreita eða dýnamík þar sem kærleikur umbreytir veraldlegu réttlæti í sína mynd? Spurningarnar eru sérstaklega áleitnar á tímum vaxandi fjölmenningar og mun Grétar skoða málið og ræða það.
Dr. Grétar Halldór Gunnarsson lauk kandídatsprófi í guðfræði frá Háskóla Íslands árið 2008. Að því loknu hélt hann til Bandaríkjanna þar sem hann útskrifaðist með Th.M gráðu frá Princeton Seminary árið 2009. Árið 2015 lauk hann doktorsprófi frá Edinborgarháskóla og starfar nú fyrir Kjalarnessprófastsdæmi og við stundakennslu í Háskóla Íslands.
Fyrirlesturinn er öllum opinn.