Umræðufundir um starfsmenntun: Fámennar iðngreinar

Menntavísindasvið Háskóla Íslands efnir til málstofu um starfsmenntun á framhalds­skólastigi og býður öllum sem áhuga hafa á málefnum starfsmenntunar til fundar. Markmið málstofunnar er að stefna saman fólki úr menntakerfi, stjórnsýslu og atvinnulífi til samræðu um stöðu starfsmenntunar á framhaldsskólastigi og hugmyndir um framtíðar­skipan hennar.

Að þessu sinni verður rætt um fámennar iðngreinar og leiðir til að tryggja kennslu í þeim. Frummælandi verður Hjalti Jón Sveinsson. Hann talar stutt svo það verður rúmur tími fyrir samræðu og skoðanaskipti.