Opinn fundur á vegum Alþjóðamálastofnunar Háskóla Íslands og sendinefndar Evrópusambandsins á Íslandi
Samskipti Íslands við Evrópu grundvallast á samningnum um Evrópska efnahagssvæðið – EES-samningnum – en hann veitir Íslendingum m.a. tækifæri á að sækja sér nám, starfa og stunda viðskipti við önnur ríki innan álfunnar. Samningnum fylgja þó einnig töluverðar skuldbindingar og hefur Ísland staðið sig verst við að uppfylla þær af því 31 ríki sem er aðili að EES-samningnum. Ríkisstjórn Íslands var í ársbyrjun afhent skýrsla þar sem gerð er grein fyrir framkvæmd samningsins og ýmsar tillögur settar fram um úrbætur. Á þessum fundi mun Páll Þórhallsson, formaður stýrihóps um framkvæmd EES-samningsins og einn skýrsluhöfunda, kynna helstu niðurstöður skýrslunnar. Claude Maerten, frá utanríkisþjónustu Evrópusambandsins, bregst við erindi Páls og ræðir EES-samninginn út frá sjónarhorni Evrópusambandsins.
Páll Þórhallsson, formaður stýrihóps um framkvæmd EES-samningsins.
Claude Maerten, frá utanríkisþjónustu Evrópusambandsins.
Fundarstjóri: Siv Friðleifsdóttir, fyrrum ráðherra.
Fundurinn fer fram á ensku og er opinn öllum.
Nánari upplýsingar: www.ams.hi.is / www.esb.is
Alþjóðamálastofnun á Facebook: www.facebook.com/althjodamalastofnun
Sendinefnd Evrópusambandsins á Íslandi á Facebook:
https://www.facebook.com/Evropusambandid