Hvenær hefst þessi viðburður:
19. febrúar 2016 - 16:00
Nánari staðsetning:
Skrifstofu Ferðafélags Íslands, Mörkinni 6.
Guðfinna Aðalgeirsdóttir, dósent í jöklafræði við Háskóla Íslands, leiðir ferð í Bláfjöll og fræðir göngugesti um jökla, hvernig þeir hreyfa sig og af hverju þeir eru að minnka. Brottför verður kl. 16 á einkabílum frá skrifstofu Ferðafélags Íslands að Mörkinni 6 og ekið áleiðis í Bláfjöll þar sem gerðar verða alls konar tilraunir með snjó; snjóhús búin til, snjór bræddur og snjóflóð skoðuð. Sett verða upp höfuðljós og farið í ljósagöngu í myrkrinu. Gestir eru beðnir um að koma með skóflur og ljós. Áætlað er að gangan taki um 3-4 klukkstundir.
Gangan er hluti af verkefni Háskóla Íslands og Ferðafélags Íslands, Með fróðleik í fararnesti, sem hófst á aldarafmæli skólans árið 2011. Reynsla og þekking fararstjóra Ferðafélagsins og þekking kennara og vísindamanna Háskólans blandast saman í þessum áhugaverðu gönguferðum. Markmiðið með þeim er að vekja áhuga almennings á fræðslu og hollri útivist og fjölga valkostum í þeim efnum. Um leið er vakin athygli og vonandi áhugi á fjölbreyttri starfsemi Háskóla Íslands og Ferðafélagsins.
Þátttaka ókeypis og allir velkomnir.