Læknadeild Háskóla Íslands og Miðstöð í lýðheilsuvísindum standa fyrir málþingi í sal Þjóðminjasafnsins föstudaginn 18. september milli 13 og 16.
Málþingið er haldið til heiðurs Vilhjálmi Rafnssyni lækni og prófessor við Háskóla Íslands í tilefni af sjötugsafmæli hans. Þeir sem taka til máls eru nemendur, samstarfsfólk, vinir hans og fjölskylda. Umfjöllunarefnið er fjölbreytt og tengist á einn eða annan hátt því sem Vilhjálmur hefur áhuga á.
Vilhjálmur gegndi lengi stöðu yfirlæknis hjá Vinnueftirlitinu og hefur verið prófessor í heilbrigðis- og faraldsfræði við Háskóla Íslands frá 1997. Hann er afkastamikill vísindamaður og hefur gert ýmsar rannsóknir á þáttum sem áhrif hafa á sjúkdóma og heilsu. Höfundar erindanna segja frá rannsóknum hans, en bregða einnig upp ýmsum myndum af Vilhjálmi sjálfum í lífi og starfi.
Dagskrá
13:00-13:05 Málþingið sett
13:06-13:15 Magnús Karl Magnússon, forseti Læknadeildar, flytur ávarp
13:16-13:28 Linda og Þrúður Vilhjálmsdætur: Læknaskrift og hauskúpur
13:29-13:41 Hans Agnarsson: Ferðafélaginn og útivistarmaðurinn Vilhjálmur Rafnsson
13:42-13:54 Guðmundur Þorgeirsson: Lítil þúfa veltir þungu hlassi: Yfirlit um æðaþel og hlutverk þess í æðasjúkdómum
13:55-14:07 Reynir Tómas Geirsson: Að skrifa um fræðin
14:08-14:20 Tómas Zoëga: Geðrannsóknir – sakhæfi
14:21-14:40 Kaffihlé
14:41-14:53 Evald Sæmundsen: Einhverfa og flogaveiki
14:54-15:06 Pétur Ingvi Pétursson: Þjóðlegur lækningahúmor í dagsins önn
15:07-15:19 Haraldur Briem: Hugleiðing um heilbrigðisfræði og lýðheilsuvísindi
15:20-15:32 Unnur Anna Valdimarsdóttir: Ögurstundir heilsufars
15:33-15:45 Sigurður Guðmundsson: Heimsheilsa – breytt sýn
15:46-15:58 Óttar Guðmundsson: Íslendingasögur og hvað svo?
16:00 Afmælismálþingi slitið
Fundarstjóri er Andri Steinþór Björnsson
Á eftir málþinginu verður móttaka með léttum veitingum í anddyri Stapa (v/Hringbraut) frá kl. 16:00 til 17:30.
Allir velkomnir.