Hælisleitendur og flóttafólk á tímum öryggisvæðingar landamæra

Vaxandi tortryggni gætir nú í garð  flóttafólks og hælisleitenda á Vesturlöndum,æ erfiðara verður að fá stöðu flóttamanns og algengt að fólk sé hneppt í varðhald, þegar það leitar hælis í nýju landi. Staða þess vekur upp spurningar um hvort  mannréttindi  í Vestrænum lýðræðisríkjum séu að víkja fyrir auknum kröfum um öryggi. Í fyrirlestrinum er fjallað um stöðu flóttafólks og hælisleitenda í ljósi öryggisvæðingar landamæra, aukinna fordóma og nýrrar birtingarmyndar rasisma. Lögð er áhersla á að greina ríkjandi orðræðu um hælisleitendur og flóttafólk sem getur haft áhrif á stefnu stjórnvalda og á  ferli útilokunar og aðildar.

Fyrirlesari: Unnur Dís Skaptadóttir prófessor í mannfræði