Wikipediahittingur í Landsbókasafni

Í ár fagna Íslendingar því að 100 ár eru liðin frá því að Kristján 10. Danakonungur veitti íslenskum konum kosningarétt. Af því tilefni ætlar Félag Wikimedianotenda á Íslandi í samvinnu við Framkvæmdanefnd um 100 ára afmæli kosningaréttar kvenna að halda vikulega Wikipediahittinga í Landsbókasafni Íslands þar sem ætlunin er að þátttakendur bæti greinar sem fjalla með einum eða öðrum hætti um kvenréttindi. Umfjöllunin þarf þó ekki að vera bundin við íslensk viðfangsefni né heldur kvenréttindi, frjálst er að mæta og fjalla um hvað sem er.

Á staðnum verða leiðbeinendur sem munu aðstoða við tæknilega hlið þess að vinna í Wikipediu. Þar verður einnig aðgengilegt safn heimilda sem tengjast kvenréttindabaráttu, bæði á Íslandi og víðar. Allir eru velkomnir. Ekki þarf annan grunn en að kunna á lyklaborð og áhugann á því að taka þátt. Upplýsingarnar á Wikipediu eru sameign okkar allra og einnig verk okkar allra. Leiðbeinandi dagskrá fylgir hér:

                                       Tímabil         
Febrúar                 Landnám-1850              
Mars                     1850-1900             
Apríl                      1900-1950             
Maí                         1950-2000             
Júní                        2000-          

Fundirnir verða í hverri viku á fimmtudögum kl.  17:00-19:00 í tölvuverinu á 3. hæð Landsbókasafns Íslands (Þjóðarbókhlöðunni).