Náms- og starfsráðgjöfum í framhaldsskólum, þekkingarsetrum og símenntunarmiðstöðvum landsins boðið í Háskóla Íslands

Markmið fundarins er að efla tengsl og samstarf Háskóla Íslands og námsráðgjafa í framhaldsskólum, þekkingarsetrum og símenntunarmiðstöðvum landsins og stuðla að því að framhaldsskólanemendur og aðrir sem hyggja á háskólanám hafi ætíð aðgang að nauðsynlegum upplýsingum við undirbúning náms við Háskóla Íslands. 

Fundurinn hefst með skipulagðri dagskrá þar sem gestum verða veittar margvíslegar upplýsingar um Háskóla Íslands. Þá verða umræður í hópum þar sem leitað verður eftir hugmyndum fundargesta um hvernig best væri að haga samstarfi og upplýsingastreymi milli háskólans, framhaldsskólanna og annarra stofnana.  Í lokin verður boðið upp á léttar veitingar og spjall.