Kynning á skiptinámi innan Evrópu

Fulltrúi frá Skrifstofu alþjóðasamskipta fer yfir þá spennandi möguleika á skiptinámi innan Evrópu sem standa nemendum Háskóla Íslands til boða. Farið verður yfir umsóknarferlið og þau atriði sem hafa þarf í huga bæði áður en farið er í skiptinámið og að því loknu.

Frestur til að sækja um skiptinám innan Evrópu er til 2. mars 2015 fyrir skólaárið 2015-2016.

Háskóli Íslands er í samstarfi við yfir 500 háskóla víða um heim og árlega nýta sér fjölmargir að taka hluta af námi sínu erlendis.

Kostir þess að fara í skiptinám:
» fjölbreyttara námsframboð
» skiptinámið er metið inn í námsferil við Háskóla Íslands
» tækifæri til að kynnast menningu annarra landa
» einfaldara og ódýrara en að fara í nám á eigin vegum
» möguleikar á ferða- og dvalarstyrkjum til Evrópu
» skólagjöld eru felld niður, m.a. við háskóla í Bandaríkjunum og Kanada
» aukin tungumálakunnátta
» dýrmæt reynsla sem nýtist í frekara námi eða á vinnumarkaði


Sjá nánari upplýsingar um umsóknarferlið og námsmöguleika á www.hi.is/skiptinam

Allir velkomnir.