Hvenær hefst þessi viðburður:
19. janúar 2015 - 11:40
Staðsetning viðburðar:
Nánari staðsetning:
Stofa 229
Fyrirlestur: Altarisganga og kirkjuagi á lærdómsöld.
Mánudaginn 19. janúar n.k. heldur Skúli S. Ólafsson fyrirlestur í boði Guðfræðistofnunar í stofu 229 í Aðalbyggingu Háskóla Íslands. Fyrirlesturinn hefst kl. 11:40.
Yfirskrift fyrirlestursins er: Altarisganga og kirkjuagi á lærdómsöld.
Í erindi sínu heldur Skúli fram þeirri kenningu að á 17. öld hafi altarissakramentið gegnt lykilhlutverki í trúarlífi á Íslandi. Yfirvöld, prestar og almenningur deildu þeirri skoðun að tímanlegir og eilífir hagsmunir fólks stæðu og féllu með réttri meðferð sakramentisins. Mótunaráhrif kirkjunnar á íslenskt samfélag byggðust á þessari sameiginlegu sýn. Spurt verður með hvaða hætti þessi áhrif birtast og hvað þau segja okkur um kirkjulega stjórnsýslu á tímanum. Spurt verður hvort og þá hvaða þræðir frá þessum tíma hafa lifað af samfélagsbreytingar allt til okkar daga og hvað það er sem hætti að skipta máli eftir því sem tímarnir breyttust og mennirnir með.
Síðastliðið sumar varði Skúli doktorsritgerð sína, Altarisganga á Íslandi 1570 til 1720: Fyrirkomulag og áhrif. Skúli er fæddur í Reykjavík 1968. Hann lauk embættisprófi í guðfræði frá Háskóla Íslands árið 1996. Hann hefur stundað framhaldsnám við Kaupmannhafnarháskóla og Gautaborgarháskóla og birt nokkrar fræðigreinar um íslensku kirkjuna á lærdómsöld. Skúli er sóknarprestur við Keflavíkurkirkju.
Fyrirlesturinn er öllum opinn.
Mánudaginn 19. janúar n.k. heldur Skúli S. Ólafsson fyrirlestur í boði Guðfræðistofnunar í stofu 229 í Aðalbyggingu Háskóla Íslands. Fyrirlesturinn hefst kl. 11:40.
Yfirskrift fyrirlestursins er: Altarisganga og kirkjuagi á lærdómsöld.
Í erindi sínu heldur Skúli fram þeirri kenningu að á 17. öld hafi altarissakramentið gegnt lykilhlutverki í trúarlífi á Íslandi. Yfirvöld, prestar og almenningur deildu þeirri skoðun að tímanlegir og eilífir hagsmunir fólks stæðu og féllu með réttri meðferð sakramentisins. Mótunaráhrif kirkjunnar á íslenskt samfélag byggðust á þessari sameiginlegu sýn. Spurt verður með hvaða hætti þessi áhrif birtast og hvað þau segja okkur um kirkjulega stjórnsýslu á tímanum. Spurt verður hvort og þá hvaða þræðir frá þessum tíma hafa lifað af samfélagsbreytingar allt til okkar daga og hvað það er sem hætti að skipta máli eftir því sem tímarnir breyttust og mennirnir með.
Síðastliðið sumar varði Skúli doktorsritgerð sína, Altarisganga á Íslandi 1570 til 1720: Fyrirkomulag og áhrif. Skúli er fæddur í Reykjavík 1968. Hann lauk embættisprófi í guðfræði frá Háskóla Íslands árið 1996. Hann hefur stundað framhaldsnám við Kaupmannhafnarháskóla og Gautaborgarháskóla og birt nokkrar fræðigreinar um íslensku kirkjuna á lærdómsöld. Skúli er sóknarprestur við Keflavíkurkirkju.
Fyrirlesturinn er öllum opinn.